Хаартыска СӨ Баһылыгын уонна Бырабыыталыстыбатын пресс-сулууспатыттан
Тутулла турар өрөспүүбүлүкэтээҕи саҥа Онкологическай кииҥҥэ мэдиссиинэ оборудованиета аҕалыллан туруоруллан эрэр. Бу күннэргэ СӨ Бырабыыталыстыбатын Бэрэссэдээтэлин солбуйааччы Ольга Балабкина киин саҥа оборудованиелары туруоруу бэлэмин бэрэбиэркэлээтэ.
Ил Дархан Айсен Николаев өрөспүүбүлүкэҕэ доруобуйа харыстабылын тэрилтэлэрин мэдииссиинэ саамай бастыҥ уонна үрдүк технологиялаах оборудованиеларынан хааччыйар соругу туруорбута.
Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.
Саҥа Онкодиспансерга үрдүк мэдиссиинэ көмөтүн оҥорорго ирдэбилгэ эппиэттиир уонна диагностика бары көрүҥүн чопчу оҥорор аныгы саамай бастыҥ тиэхиньикэнэн, оборудованиенан хааччыллыаҕа.
Ольга Балабкина эспэртнэй кылаастаах диагностыыр оборудование, ол иһигэр компьютернай томограф уонна МРТ курдук, «ыарахан» тиэхиньикэ анал бэлэмнэнии ыытары ирдиир диэн бэлиэтээтэ. Манна оборудованиелары таҥарга уонна туруорарга анаан оҥорон таһаарбыт фирма исписэлиистэрэ үлэлииллэр. Оттон эбийиэк үлэҕэ киириитин, оборудование кэлиитин бытаарыытынан, сааҥсыйалар мэһэйдээбиттэринэн быһаардылар.
Бүгүҥҥү туругунан эбийиэк бэлэмэ – 87%. Тутааччылар эппиттэринэн, ис бараанын, оборудование турарыгар анаан муостатын, дьиэ үрдүн, сырдатар тэриллэри уонна розеткаларын, о.д.а. оҥоро сылдьаллар. Итини сэргэ тиэргэнин тупсарыы үлэтэ ыытыллар. Эбийиэккэ барыта 102 киһи үлэлиир.
Бу нэдиэлэҕэ Сатурн уонна Нептун планеталар утарыта туруулара күүһүрүө. Ол аата, баҕа санаабыт уонна олох…
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…