Андрей Сорокин хаартыскаҕа түһэриитэ
Өрөспүүбүлүкэ салалтатын иннигэр турбут бу нэдиэлэҕэ быһаарыллар боппуруостартан тутуу хайысхата сүрүннүүр суолталаах буолбут.
Ил Дархан Айсен Николаев тутуу хайысхатын кэтиир министиэристибэлэр иннилэригэр кэккэ кыһалҕалары быһаарыыга улахан болҕомтолорун ууралларыгар ыҥырда.
Ол курдук Өрөспүүбүлүкэтээҕи онкологическай диспансеры тутуу уонна Өлүөхүмэ аэропордун саҥардан оҥоруу боппуруостара ырытылыннылар. Соторутааҕыта Арассыыйа Бырабыталыстыбатын Бэрэссэдээтэлэ Михаил Мишустин бу бырайыактары түмүктүүргэ эбии үп көрүллэрин биллэрбитэ. Федеральнай бүддьүөттэн 1,2 млрд солк онкологическай диспансер тутуутун түмүктүүргэ кэлиэхтээх. Бу эбийиэк тутуутун түмүктээһин тутуу матырыйааллара сыаналара үрдээн уонна сорох тиэхиньикэ сааҥсыйалартан сылтаан кэлбэтэхтэринэн сибээстээн тардыллыбыта. Айсен Николаев бу эбийиэги тутууга сөптөөх үлэ барарын хонтуруолга ыларга сорудахтаата.
Эбии үп Өлүөхүмэ аэропордун тутууга көрүллүөхтээх. “2024 сылга диэри магистральнай инфраструктураны модернизациялааһын уонна кэҥэтии кэлим былаан” национальнай бырайыак чэрчитинэн аэропорт көтөр балаһата оҥоһуллубута – эрдэ сөмөлүөт көтөр балаһата сир кырса эбит буоллаҕына, билигин бетон балаһа оҥоһуллубута. Иккис түһүмэҕинэн аэропорт тула инфраструктуратын саҥардыы буолуохтаах. Ил Дархан бу бырайыак олоххо киириитин түргэтэтэргэ сорудахтаата.
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …