СИА, Андрей Сорокин түһэриитэ
Саха сиригэр «Доруобуйа харыстабыла» бырайыагынан эбийиэктэри тутуу тэтимнээхтик баран иһэр. Бу бырагырааманан быйыл уонна чугастааҕы кэмнэргэ балыыһа 13 бөдөҥ комплексын, ол иһигэр оройуоннааҕы поликлиникалары уонна тыа сирин балыыһаларын тутуу былааннанар.
2022 сыллаахха Дьокуускай куоракка Кардиологическай киин аһыллан, сүрэх-тымыр ыарыытынан ыалдьар дьон миэстэтигэр тута суһал көмөнү ылар кыахтаннылар. Оттон ааспыт сылга үлэҕэ киириэхтээх Онкологическай киин оборудованиета соҕурууттан кыайан кэлбэккэ, тохтоон турбута. Бүгүн Ил Дархан Айсен Николаев ГТРК «Саха» «Россия 24» телеханаалын «Прямой разговор» биэриитигэр тохсунньу бүтүөр диэри үлэҕэ киириэҕэ диэн эттэ.
«Билиҥҥитэ Онкологическай киин аһыллыытыгар ханнык даҕаны харгыстар суохтар. Бу эбийиэк дьоҥҥо олус туһалаах, наадалаах. СӨ Доруобуйатын харыстабылын министиэристибэтин иннигэр Онкологическай киин аһыллыбыт күнүн сарсыныттан тэрилтэ сорох отделениелара үлэлээн баралларын курдук тэрийэллэригэр соруйдум», – диэн Айсен Николаев бэлиэтээтэ.
Онкологическай киин аһыллыыта Саха сирин олохтоохторугар олус улахан суолталаах. Биһиги дьоммут Уһук Илин биир саамай улахан, аныгылыы сэбилэниилээх Онкологическай киин нөҥүө үрдүк технологиялаах көмөнү ылыахтара.
Санатан эттэххэ, Дьокуускайга аһыллыахтаах Онкологическай киин 25 тыһ. кв.м иэннээх, манна тыһыынчаттан тахса киһи үлэлиэҕэ. Бэлиэтээн эттэххэ, бу эбийиэк Арассыыйа Бэрэсидьиэнэ Владимир Путин сорудаҕын толоруу чэрчитинэн, «Доруобуйа харыстабылын» национальнай бырайыагынан тутулунна.
Саха сиригэр нэһилиэнньэ дьарыктаах буолуутун Судаарыстыбаннай сулууспатын бырайыага - "Саха сиригэр үлэлээ" бэстибээл 2025 с. ыччат…
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Горнай улууһун Маҕарас сэлиэнньэтин элбэх оҕолоох ыаллара, 34 саастаах Саргылаана уонна Айтал Никаноровтар “Дьиэ кэргэн-2025”…
Сэтинньи 4-6 күннэригэр Дьокуускайга фашизмы утары өрөспүүбүлүкэтээҕи III пуорум буолаары турар. Дьокуускайга "Норуот уонна аармыйа…
Арассыыйа бэрэсидиэньэ Владимир Путин көҕүлээһининэн Саха сиригэр култуура эйгэтэ сайдар. «Симэх» национальнай киин бэрэсидьиэн Гранынан…
А.Е.Кулаковскай-Өксөкүлээх Өлөксөй аатынан норуоттар сомоҕолоһууларын дьиэтигэр "Эйэ туһугар норуоттар сомоҕолоһуулара" Ыччат пуорума буолла. Тэрээһиҥҥэ ыччат…