Хаартыска: өрөспүүбүлүкэтээҕи онкологическай диспансер пресс-сулууспата.
Былырыын саҥа киирбит Онкологическай кииҥҥэ КТ, МРТ оборудованиенан 50 тыһыынча кэриҥэ диагностическай чинчийии ыытыллыбытын туһунан өрөспүүбүлүкэтээҕи онкологическай диспансер пресс-сулууспата иһитиннэрэр.
Билигин манна онкологияҕа туттуллар аныгы технологияны барытын кэриэтэ туһаналлар. Бу өрөспүүбүлүкэттэн тахсыбакка федеральнай кииннэр таһымнарыгар ыарыһахха көмөнү оҥорор кыаҕы биэрэр.
Сыл аайы диспансерга 4,5 тыһыынчаттан тахса онкохирургическай эпэрээссийэни оҥороллор, ол иһигэр уорганнары харыстыыр, кыра инвазивнай уонна үрдүк технологиялаах эпэрээссийэлэри. Эпэрээссийэлэр быдан харыстабыллаахтык оҥоһуллар буоллулар — кыра инвазивнай хирургическай эмтээһин кээмэйэ биллэ улаатта, ол кэннэ кинилэр кэннилэриттэн ыарыһах үтүөрүүтэ быдан түргэтээтэ. Хирургическай отделениеларга 2025 сыл бастакы аҥарыгар 1737 эпэрээссийэ оҥоһулунна, бу 2024 сыл ити кэминээҕэр 20%-нан элбэх.
Манна сыл ахсын 17 тыһыынчаттан тахса химиотерапия кууруһа ыытыллар. 2025 сыл аҥарыгар 9109 эмтээһин барда, ити 2024 сыл ити кэминээҕэр 7%-нан үрдүк.
Ону кытта киин көрүү-истии кыаҕын үрдэтиигэ үлэлиир: ыраах сытар улуустарга ыалдьыбыт дьон кииннэммит маршрут нөҥүө көмөнү ылаллар, федеральнай кииннэри кытта телемедицинскэй сүбэлэр туһаныллаллар, искэн ыарыытын эрдэ быһаарарга скрининг бырагыраамалара олоххо киирэллэр.
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…
Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…
Сүбүөкүлэни хостоотоххутуна, эбэтэр сэбирдэхтээх эдэр сүбүөкүлэни атыыластаххытына, сэбирдэҕин быраҕымаҥ. Онтон олус минньигэс кэтилиэттэри бэлэмниэххэ сөп.…
Үрдүк, орто үөрэх бүддьүөккэ миэстэлэригэр тутуу хампаанньата сүрүннээн түмүктэннэ. Онон чопчу да буолбатар, уопсай түмүгү…
Ааспыт суукка иһигэр ойуур баһаарын умуруорар сулууспалар көдьүүстээх үлэлэрин түмүгэр Мииринэйгэ 1 156 гектар иэннээх…
Алдан улууһугар быраастар анал байыаннай дьайыы кыттыылааҕар осколочнай бааһырыы кэнниттэн төбөтүн уҥуоҕун чөлүгэр түһэрдилэр. Эпэрээссийэни…