Хаартыска: Ил Дархан пресс-сулууспата
Саха сирин улуустарыгар Онкология амбулаториятын көмөтүн 18 киинэ үлэлиир. Былырыын бу кииннэр онкология ыарыытын эрдэ булар уонна эмтиир туһуттан 40 668 киһи доруобуйатын чинчийбиттэрэ.
Онкология амбулаториятын кииннэрэ өрөспүүбүлүкэҕэ мэдиссиинэ көмөтүн хаачыстыбатын уонна табыгастаах буоларын үрдэтэр туһуттан “Доруобуйа харыстабыла” национальнай бырайыак чэрчитинэн тэриллибитэрэ.
Кииннэртэн биирдэстэрэ, 2019 сыллаахха Мэҥэ Хаҥалас улууһун Киин балыыһатыгар тэриллибит Онкология амбулаториятын киинэ 2023 сылга 350-тан тахса киһи доруобуйатын чинчийдэ. Киин үлэлиир кэмигэр онкология ыарыыларын утары охсуһууга биллэр кылаатын киллэрдэ уонна уонунан ахсааннаах киһи хаачыстыбалаах эмтэниини кэмигэр туһанарыгар көмөлөстө.
Ону таһынан былырыын Онкология амбулаториятын киинигэр ыытыллыбыт “эр киһи доруобуйата” аахсыйа чэрчитинэн, 140 эр киһи доруобуйатын бэрэбиэркэлэттэ, кинилэртэн 6 киһи салгыы дириҥник чинчийиигэ ыытылынна.
Мэҥэ Хаҥалас улууһугар Онкология амбулаториятын киинин көмөтүнэн былырыын барыта “кутталлаах” искэни булуу 88 түбэлтэтэ (ол иһигэр 5 – 18-гар диэри саастаах оҕо) бэлиэтэннэ. Онкомаркерга 18239 анаалыс оҥоһулунна. Билигин Киин күнүскү стационарыгар 9 эмтэнээччи онкология амбулаториятын көмөтүнэн туһанар.
Исписэлиистэр бэлиэтииллэринэн, ыытыллыбыт тэрээһиннэр Онкология амбулаториятын киинин үлэтэ көдьүүстээҕин уонна ыарыыны эрдэ буларга улахан оруоллааҕын көрдөрөр.
Оҕо эрдэхпиттэн өтөхтөрү кэрийэрбин, былыргылар, иччилэр тустарынан улахан дьон кэпсэтэрин истэрбин наһаа сөбүлүүр этим. Аны…
Санкт-Петербургтан Дьокуускайга көтөн испит сөмөлүөккэ биир пассажир илиигэ тутуллар суумкатыгар угулла сылдьар пауэрбаан умайда. Быһылаан…
Саха сиригэр ааспыт сууккаҕа саҥа ойуур баһаара турбута бэлиэтэммэтэ, умайа турааччылар бары бохсулуннулар диэн иһитиннэрдэ…
Алдан уонна Нерюнгри оройуоннарыгар ардах түһэрэ күүтүллэр, сорох сиринэн этиҥнэниэ, сөкүүндэҕэ 15-20 м түргэннээх тыалырыа.…
Арассыыйа бэрэсидьиэнэ Владимир Путин бэрэссэдээтэллээх Судаарыстыбаннай Сэбиэт Президиумун "Олоххо наадалаах инфраструктураны сайыннарыыга" аналлаах мунньаҕа ыытылынна.…
Ааспыт сууккаҕа өрөспүүбүлүкэҕэ буруйу оҥоруу алта түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай…