Хаартыска: А.Сорокин (СИА)
Онкология өрөспүүбүлүкэтээҕи киинэ РФ бэрэсидьиэнэ Владимир Путин 2019 сыллаахха көҕүлээбит «Доруобуйа харыстабыла» национальнай бырайыагынан тутулунна.
Киин каадырдарынан толору хааччылынна, манна тыһыынчаттан тахса исписэлиис үлэлиэҕэ. Штат, ааспыт сылы кытта тэҥнээтэххэ, икки төгүл элбээтэ. Исписэлиистэр Арассыыйа уонна омук сирдэрин сүрүн кииннэригэр баран үөрэннилэр. Онон, диспансер кэлэктиибин састааба үрдүк таһымнаах исписэлиистэринэн өссө эбилиннэ. Манна даҕатан эттэххэ, эмтиир тэрилтэлэргэ каадырдар толору хааччыллыыларынан, Саха сирэ Уһук Илин эрэгийиэннэргэ саамай үрдүк көрдөрүүлээх.
Үлэһиттэр 50 тыһыынчаҕа тиийэ киһини көрөр буолуохтара. Эмтэнээччилэргэ үрдүк технологиялаах көмө оҥоһуллуоҕа.
Быраастар мэдиссиинэ 1880 тэрилигэр үлэлиэхтэрэ. Ол иһигэр, магнитнай-резонанснай уонна көмпүүтр томографтара, рентген-комплекс, ангиографическай тэрил бааллар.
Ону таһынан саамай инники иһэр спектральнай көмпүүтэр томограбын таҥнылар. Бу томограф быар, бүөр, ноор курдук искэннэри көрүү хаачыстыбатын тупсарар.
Саҥа эбийиэк эспиэрт-кылаастаах диагностика, үрдүк технологиялаах көмөнү оҥорор мэдиссиинэ тэриллэринэн сэбилэннэ. Онон, кутталлаах искэннэри чопчу уонна эрдэ булар кыах бэриллиэҕэ.
Национальнай бырайыак олоххо киириэр диэри элбэх локализацияҕа мэдиссиинэ толору көмөтүн оҥорор кыах суоҕа, ыарыһахтар өрөспүүбүлүкэ таһыгар эмтэнэргэ күһэллэллэрэ.
Саамай уустук малоинвазивнай суһал орооһуулары оҥорорго аныгы ангиографическай комплекс аан бастакытын баар буолла. Видеоэндоскопическай суһал орооһуулар 4К уонна 3D визуализациянан оҥоһуллуохтара, бу аныгы хирургияҕа көмүс стандартынан ааҕыллар.
Онкология киинигэр хирургия хайысхалаах 4 отделение аһыллыаҕа, манна мэдиссиинэ үрдүк технологиялаах көмөтүн киллэрэн туран, сылга 4 тыһыынчаҕа тиийэ эпэрээссийэни оҥоруу былааннанар (билигин – 2 тыһыынча).
Онкология өрөспүүбүлүкэтээҕи диспансера кутталлаах искэннэри эрдэ уонна элбэхтик буларга көдьүүстээх үлэни ыытар. 2023 сыл түмүгүнэн, https://онкопоисксаха.рф web-платформаҕа Саха сирин 4571 олохтооҕо аҥкыатаны ааста, барыта 5270 аҥкыата толоруллубут. Диспансер үлэһиттэрэ 2020 сыллаахха толкуйдаан олоххо киллэрбит онкопоисксаха.рф эрэгийиэннээҕи бырайыактара туһалааҕын күн бүгүҥҥэ диэри көрдөрөр. Бырайыакка барыта Саха сирин 21 тыһыынчаттан тахса олохтооҕо кытынна.
“Доруобуйа харыстабыла” национальнай бырайыак “Саха Өрөспүүбүлүкэтигэр онкология ыарыыларын утары охсуһуу” эрэгийиэннээҕи бырагыраамата РФ бэрэсидьиэнэ Владимир Путин сорудаҕынан саҕаламмыта.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…