Хаартыска: диспансер сайтыттан
«Доруобуйа харыстабыла» национальнай бырайыак көмөтүнэн өрөспүүбүлүкэҕэ акушерство, гинекология, кардиология уонна онкология салааларыгар мэдиссиинэ үрдүк технологиялаах көмөтө табыгастаах буолла.
«Билигин Уһук Илиҥҥэ Онкология киинэ Хабаровскай кыраайга эрэ баар, Саха сирэ -– иккис.
Уһук Илин субъектарыгар маннык сайдыылаах ситим баара улахан суолталаах. Тоҕо диэтэххэ, Саха сирин ыраах сытар улуустарыттан Хабаровскайга эмтэнэ барар ыарахан. Бириэмэ да барар, ыраах да сытар, тырааныспарка да ороскуот улахан. Онон, көмө бу көрүҥүн эмтэнээччилэргэ чугаһатыллыахтаах.
Саха сиригэр Онкология киинэ хас да соругу тута быһаарыаҕа. Бастатан туран, онкология эбэтэр ол иннинээҕи ыарыылары эрдэ быһаарыыны хааччыйыаҕа. Бу үлэ аныгы сэбилэнии көмөтүнэн үчүгэйдик оҥоһуллуоҕа уонна эмтэнээччи ыарыытын быһаарарга дириҥник чинчийэр кыаҕы биэриэҕэ.
Уопсайа 25 тыһыынча квадратнай миэтэрэ иэннээх, 4 блоктан турар балыыһа комплекса поликлиникалаах, алта эпэрээссийэлиир уонна түөрт интенсивнэй терапия балааталардаах, 180 куойкалаах сытар балыыһалаах.
Манна тыһыынчаттан тахса үрдүк таһымнаах исписэлиистэр үлэлиэхтэрэ. Кинилэр симиэнэҕэ 200-тэн тахса, сылга 18 тыһыынчаттан элбэх киһини көрүөхтэрэ. Аныгы тэриллэр көмөлөрүнэн хирургияҕа суһал орооһуулар ахсааннара сылга 2 төгүл элбиэҕэ. Онон саҥа Киин аһыллан, эмтэнээччилэр өрөспүүбүлүкэ таһыгар бара сатаабакка, үрдүк технологиялаах көмөнү миэстэтигэр ылар буолуохтара.
Онкология ыарыылаахтары эмтээһиҥҥэ хирургия эпэрээссийэлэрэ, таргетнай химиотерапия уонна лучевой эмтэнии туһаныллаллар. Бу барыта үрдүк таһымҥа оҥоһуллуоҕа. Ыарыы эрдэ быһаарыллыыта, хирургия саҥа ньымалара (ол иһигэр, малоинвазивнай) ыарыһахтар өлүүлэрин аҕыйатыаҕа, эмтэнээччилэр олохторо уһаан биэриэҕэ», -– диэн Мэдиссиинэ Тихоокеанскай судаарыстыбаннай университетын ректора Валентин Шуматов Ленскэй кулуупка кэпсээтэ.
Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…
Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…
Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…
Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…
Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…
Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".