Онкология сулууспата 60-тан тахса мэдиссиинэ аныгы тэрилинэн хааччылынна

Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин онкологическай сулууспата мэдиссиинэ 67 аныгы тэрилин, ол иһигэр ыарахан тиэхиньикэни ылла. Бу үлэ бүгүҥҥү күҥҥэ «Уһун уонна көхтөөх олох» диэн саҥа национальнай бырайыак чэрчитинэн салҕанар.

СӨ доруобуйа харыстабылын министиэристибэтэ иһитиннэрбитинэн, үрдүк технологиялаах лабаратыарыйалар, ангиограф, МРТ, КТ, рентген аппарааттара, маммография аппарааттара, эндоскоптар, ол иһигэр “өйдөөх” эпэрээссийэни оҥорор тэриллэр кэллилэр. Бу оборудование барыта 2024 сыл саҥатыгар Дьокуускайга аһыллыбыт саҥа онкологическай кииҥҥэ үлэлээн эрэллэр.

Доруобуйа харыстабылын министиэристибэтэ инникилээн иһэр тиэхиньикэ онкологическай ыарыылары эрдэ быһаарарга уонна эмтииргэ, үрдүк технологиялаах ньымалары олоххо киллэриигэ, ону тэҥэ саҥа, ирдэнэр структурнай салаалары арыйыыга саҥа тэтими биэрдэ диэн эрэллээҕин  Ил Дархан, бырабыыталыстыба пресс-сулууспата иһитиннэрэр.