Ааптар хаартыскаҕа түһэриитэ
“Олох бырааһынньыга” (“Праздник жизни”) аһымал пуонда Педиатрия киинин онкологияҕа отделениетын кытары “Кыайыылаахтар бэстибээллэрин” тэрийиэхтэрэ. Бу туһунан бэс ыйын 1 күнүгэр, Оҕо көмүскэлин аан дойдутааҕы күнүгэр, онкология ыарыылаах, успуорка кыайыылаах оҕолорго ананар бэстибээлгэ анаммыт пресс-кэмпириэнсийэҕэ кэпсэттилэр.
Пресс-кэмпириэнсийэҕэ Педиатрия киинин онкологияҕа отделениетын сэбиэдиссэйин эбээһинэһин толорооччу Саргылаана Кондратьева, “Олох бырааһынньыга” пуонданы тэрийээччи, СӨ Судаарыстыбаннай мунньаҕын (Ил Түмэн) норуодунай дьокутаата Алена Атласова, футболга анал өрөспүүбүлүкэтээҕи успорт оскуолатын дириэктэрэ Николай Цыпандин, Мэдиссиинэ национальнай киинин отделын мэдиссиинискэй психолога Айталина Платонова, “Олох бырааһынньыга” пуонда волонтера, суруналыыс Катерина Григорьева уонна Москваҕа кыайыылаахтар аан дойдутааҕы оонньууларын кыттыылаахтара, төрөппүттэр кулууптарын чилиэннэрэ кытыннылар.
Атырдьах ыйын 12 күнүгэр ыытыллыахтаах аһымал бэстибээл — ыарыыны кыайбыт оҕолорго аналлаах успуорт уонна култуура бырааһынньыга. Успуорт, култуура уонна ускуустуба ыарыыны кыайарга, уопсастыба ортотугар олорорго, күрэстэһэр тыыны иитэргэ көмөлөһөллөр. Бэстибээл ыарыыны эттэринэн-хааннарын билбит оҕолорго көмөлөһөргө, ыарыыны кыайарга эрэллээх буоларга көҕүлүөҕэ.
“Кыайылаахтар бэстибээллэрэ” М.Е.Николаев аатынан Мэдиссиинэ национальнай киинин Педиатрияҕа киинин иһинэн онкология отделениета аһыллыбыта 25 сылыгар ананар.
Бэстибээли тэрийэргэ СӨ Физическэй култуураҕа уонна успуорка министиэристибэтэ, футболга анал өрөспүүбүлүкэтээҕи успуорт оскуолата, успуорт эрэллэрин бэлэмниир өрөспүүбүлүкэтээҕи киин, адаптивнай физическэй култуура уонна успуорт өрөспүүбүлүкэтээҕи киинэ бииргэ үлэлиэһиэхтэрэ.
Николай Цыпандин иһитиннэрбитинэн, бэстиибээл атырдьах ыйын 12 күнүгэр “Дохсун” успуорт комплексыгар сарсыардаттан киэһээҥҥэ диэри ыытыллыаҕа. Оҕолор успуорт алта көрүҥэр: буулдьанан ытыыга, чэпчэки атлетикаҕа, дуобакка, саахымакка, остуол тиэнниһигэр уонна өбүгэ оонньууларыгар: хабылыкка, хаамыскаҕа күрэхтэһиэхтэрэ. Успуорт хас биирдии көрүҥэр кыайыылаахтар мэтээллэринэн, грамоталарынан уонна тэрийэр кэмитиэт бириистэринэн наҕараадаланыахтара.
Ханнык баҕарар бэстибээл курдук, айар куонкурус эмиэ баар буолуоҕа. Онкология отделениетыгар эмтэнээччилэр ортолоругар олус талааннаах оҕолор уонна төрөппүттэр бааллар. Ол курдук, кинилэр вокалга, үҥкүүгэ, хоһоону эбэтэр кэпсээни ааҕарга, уруһуйга, хаартыскаҕа түһэрэргэ, видеороликтарга уо.д.а. куонкурустарга көхтөөхтүк кыттыахтара.
Мария Герасимова-Сэҥээрэ – норуот фольклоругар бөдөҥ исписэлиис, доҕотторо ытыктаан ааттыылларынан Ийэ чабырҕахсыт, чабырҕаҕы, олоҥхону, оһуохайы…
Ааҕааччыларбытыттан ыйытыылар киирэ тураллар. Соторутааҕыта быыһыгар маҥаннаах таба этин видеоҕа устубуттар этэ. Ону көрбүт дьонтон…
Бүгүн, сэтинньи 9 күнүгэр, Өлүөхүмэ улууһугар аналлаах оһуохай түһүлгэтэ бэрт тэрээһиннээхтик ааста. Куоракка олорор өлүөхүмэлэр…
Сэбиэскэй кэмҥэ эдэр ийэ-аҕа буола сылдьыбыт төрөппүттэр кырачаан оҕоҥ сылайдаҕына эбэтэр атаахтааҕына уоскута түһэргэ оҕо…
Бэҕэһээ, сэтинньи 8 күнүгэр, 35-гэр диэри саастаах быраастар, мэдиссиинэ сиэстэрэлэрэ, доруобуйа харыстабылын эйгэтин үлэһиттэрэ Николаев-Кииҥҥэ…
Саха тапталлаах ырыаһыта, ырыа айааччы, СӨ үтүөлээх артыыската Тамара Попова сыанаҕа тахсыа эрэ кэрэх, көрөөччүлэр…