Хаартыска: диспансер сайтыттан
Онкология өрөспүүбүлүкэтээҕи диспансера искэн ыарыытын утары үлэни киэҥ хабааннаахтык ыытар.
Ол курдук, хирургия уонна эндоскопия аныгы технологияларын, кутталлаах искэннэри эминэн-томунан эмтээһиҥҥэ саҥа ньымалары туһанар, ону сэргэ ыарыыны эрдэ быһаарарга чинчийии инновационнай ньымаларын олоххо киллэрэр. Сардаҥа терапиятыгар аналлаах бырагырааманы саҥардан үлэлэтэр.
РФ бэрэсидьиэнэ Владимир Путин көҕүлээбит “Доруобуйа харыстабыла” бырайыагын соруктарын салҕыы олоххо киллэрсэр.
Диспансер быраастара өрөспүүбүлүкэ ыраах сытар улуустарыгар тиийэннэр нэһилиэнньэ доруобуйатын туругун бэрэбиэркэлииллэр.
Исписэлиистэр Арассыыйа уонна омук сирдэрин сүрүн кииннэригэр баран үөрэнэллэр. Онон, диспансер кэлэктиибэ үрдүк таһымнаах исписэлиистэринэн элбиир.
2023 сылтан диспансер базатыгар диагностика лучевой ньымаларыгар эрэгийиэннээҕи референс-киин үлэтин саҕалаабыта. Манна мэдиссиинэ атын тэрилтэлэригэр оҥоһуллубут маммографиялары иккистээн ааҕаллар.
Саха сирин онколог-быраастара нейролизис процедуратын аан бастаан ыыттылар. Онуоха поликлиника базатыгар “Ыарыыта суох олох” бырайыак чэрчитинэн кэбиниэт аһыллыбыта.
СӨ доруобуйа харыстабылын миниистирэ Лена Афанасьева онкология салаатын ситиһиилэриттэн биирдэстэринэн “Онкопоиск” бырайыагы ааттаабыта.
“Онкопоисксаха.рф” араагы эрдэттэн быһаарар туһугар үлэлиир. Анкетаны толорон, онкология алта сүрүн ыарыытыгар төһө ылларыахха сөбүн быһаарар. Бырайыак сайтыгар бырааска көрдөрөргө суруйтарыахха эмиэ сөп”, — диэтэ.
Диспансер кэлэктиибэ ыарыыны быһаарыы уонна эмтээһин таһымын өссө үрдэтэр соруктаах үлэлиир. Кэлэктииби сотору кэминэн Онкология саҥа киинин дьиэтигэр көһүү күүтэр.
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…