Хаартыска: ЯСИА.
Онкология өрөспүүбүлүкэтээҕи диспансерыгар эмтээһин саҥа ньымаларын, ол иһигэр искэни эминэн эмтээһин терапията, салгыы киллэриллэллэр.
Онкология диспансерын быраастара тиһигин быспакка саҥа билиини ылаллар, үөрүйэхтэнэллэр. Аныгы ньымалары туһаныы эмтээһин туһата улахан буоларыгар уонна эмтэнээччилэр олохторун хаачыстыбата тупсарыгар көмөлөһөр.
СӨ доруобуйа харыстабылын министиэристибэтин штаты таһынан сүрүн онколога Феодосия Иванова бэлиэтээн этэринэн, билигин искэн ыарыылаахтары инновационнай препараттары уонна химиотерапия схемаларын ыарыы хас биирдии түгэнин уратытын учуоттаан, искэн килиэккэлэригэр чопчу дьайалларын курдук табыгастаахтык тутталлар.
«Былырыын өрөспүүбүлүкэ онкологтара искэни утары эминэн терапия 11 тыһыынчаттан тахса кууруһун оҥорбуттара. Сыл саҕаланыаҕыттан 6 тыһыынча кэриҥэ киһи эмтэннэ”, — диэтэ Феодосия Гаврильевна.
Манна сыһыаран эттэххэ, 17 улууска үлэлиир онкология амбулаторнай көмөтүн кииннэригэр эминэн эмтээһин эмиэ туһаныллар. Искэни утары терапияны туһанарга бу кииннэргэ күнүскү балыыһа 46 куойката баар. Бу эмтэнээччилэр мэдисиинэ көмөтүн олорор сирдэриттэн ыраата барбакка, миэстэтигэр ылалларыгар туһалаах, бу чуолаан ыраах сытар нэһилиэнньэлээх пууннар олохтоохторугар ордук улахан суолталаах.
(СӨ Доруобуйа харыстабылын министиэристибэтин матырыйаалынан)
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…