Онкологтар Амма улууһун олохтоохторун доруобуйаларын көрүөхтэрэ

Атырдьах ыйын 6-9 күннэригэр Амма улууһугар онкодесант үлэлиэҕэ. Манна тустаах исписэлиистэр нэһилиэнньэ доруобуйатын көрүөхтэрэ.

Онкодесаҥҥа онкогинеколог Светлана Мыреева, химиотерапевт Феодосия Иванова, онколог-хирург Владимир Васильев, ультразвуковой диагностика бырааһа Мария Куляндина, мэдиссиинискэй сиэстэрэ Венера Иванова кыттыыны ылыахтара.

Санатан суруйдахха, онкодесант Саха сиринээҕи онкологическай диспансер быраастарын хамаандатыттан турар. Кинилэр уустук суоллаах-иистээх улуустар олохтоохторугар квалификациялаах мэдиссиинискэй көмөнү оҥороллор. Сүрүн соруктарынан араагынан ыалдьыыны улаата илигинэ быһаарыы буолар.