sakha.gov.ru
2020 сылтан Онкопоисксаха.рф платформаҕа 28330 Саха сирин олохтооҕо анкетаны толордо. Уопсайа 35 085 анкета киирдэ. 68 араак ыарыытын түбэлтэтэ булулунна, үксэ эрдэтээҥҥи кэмигэр. Бу туһунан СӨ Доруобуйаҕа харыстабылын министиэристибэтэ иһитиннэрэр.
«Онкологическай ыарыылары эрдэ быһаарыыга „ОНКОПОИСК“ диэн эрэгийиэҥҥэ аныгы сыыппара бырайыага улахан суолталаах. Дьокуускайдааҕы онкодиспансер исписэлиистэрэ 2020 сыллаахха оҥорбут саҥа веб-платформата — араак ыарыытыгар улахан кутталлаах бөлөххө киирэр дьоҥҥо скрининнээх чинчийиилэри ыытарга кыах биэрэр. Үлэ эрэгийиэҥҥэ Арассыыйа Бэрэсидьиэнэ Владимир Путин көҕүлээбит „Уһун уонна көхтөөх олох“ национальнай бырайыагын сыалларын уонна соруктарын толорууга ыытыллар», – диэн СӨ Доруобуйаҕа харыстабылын миниистирэ Лена Афанасьева бэлиэтээтэ.
Онкопоисксаха.рф веб-платформаҕа ханнык баҕарар киһи араак ыарыытыгар анкетаны толоруон сөп: тыҥа, быар, эмиий араага, колоректальнай араак, матка араага, предстательнай былчархай араага. Ыйытыы түмүгүнэн бырагыраама сыаллаах чинчийиигэ наадыйар дьону талан ылар уонна Дьокуускайдааҕы өрөспүүбүлүкэтээҕи онкологическай диспансер баазатыгар дириҥэтиллибит мэдиссиинэ чинчийиитин барарга этии киллэрэр.
Бырайыак сүрүн уратыта – араак иннинээҕи туруктары уонна ыарыыны эрдэтээҥҥи кэмигэр быһаарар кыах. Ити эмтэнэр кыаҕы улаатыннарар уонна олоҕу быыһыыр. Эрэгийиэн доруобуйатын харыстабылын тиһигин биир тутаах хайысхатынан онкологическай ыарыылартан өлүүнү аччатыы, олох орто уһунун улаатыннарыы, ону тэҥэ нэһилиэнньэни профилактическай көрүүлэргэ көхтөөхтүк кытыннарыы буолар. Онкологическай ыарыылар кыһалҕаларын быһаарыыга комплекснай сыһыан түмүгэр ыарыһахтар олохторун хаачыстыбатын биллэрдик тупсарар кыаллар. Сиһилии бу сигэнэн аах: https://www.sakha.gov.ru/news/16364*
Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар…
Камчатка кыраайын Елизово куоратыгар пауэрлифтиҥҥэ Уһук Илин федеральнай уокурук чөмпүйэнээтэ ыытылынна. Күрэхтэһии чаҕылхай кыттааччыларын быыстарыгар…
ИДьМ сулууспатын «Дьокуускайдааҕы» 2 №-дээх полициятын отделын дьуһуурунай чааһыгар дьахтар кыбартыыратыттан икки тэлэбиисэри уорбуттарын туһунан…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайыытынан социальнай эбийиэктэр тутууларын боппуруостарыгар мунньах ыытылынна. Мунньахха…
Сааны бас билээччилэр федеральнай сокуонунан көрүллэр быраабылалары кытаанахтык тутуһуохтаахтар, диэн Росгвардия пресс-сулууспата санатар. Гражданин ханнык…
Дойду Үөрэҕириитин министиэристибэтэ быйыл үөрэххэ туттарсааччылар ханнык орто анал үөрэх идэлэригэр хото сайабылыанньа биэрбиттэрин иһитиннэрдэ.…