Онлайн атыылаһарбын эрим хонтуруоллуо үһү

Арассыыйаҕа уопсастыбанньыктар, кэргэнниилэр бэйэ-бэйэлэрин онлайн атыылаһалларын хонтуруоллуурга этии киллэрбиттэр.

Арассыыйаҕа дьиэ кэргэҥҥэ туһата суох малы-салы атыылаһыыны (шопоголизмы) кытта охсуһарга туһаайыллар этиини ырыта сылдьаллар үһү. Ити курдук этиини уопсастыбанньыктар киллэрбиттэр.

Ааптардар быһаарбыттарынан, дьиэ кэргэн биир эмэ чилиэнэ интэриниэт нөҥүө атыылаһарыгар, эрдэттэн ыйыллыбыт сууматтан тахсар түгэнигэр, салгыы атыылаһарыгар сакааһын төлөбүрэ быстах кэмҥэ тохтотуллуон (блоктаныан) сөп. Бу дьиэ кэргэн бүддьүөтүн харыстыаҕа, иэс ылыахтара итиэннэ кирэдьиит хабалатыгар киириэхтэрэ суоҕа диэн быһаарбыттар.

Тустаах көҕүлээһин билиҥҥитэ үөрэтиллэ сылдьар диэн сонуну киэҥник тарҕатар киин ситимнэр сырдаталлар.