Хаартыска: ru.freepik.com
Алдан оройуонун ИДьМ отделын силиэстийэлиир салаатын силиэдэбэтэлинэн Алдан олохтооҕун баан счетыттан харчы уоруллубут чахчытынан холуобунай дьыала тэрилиннэ.
Холуобунай ирдэбил үлэһиттэрэ көрдүүр тэрээһиннэринэн буруйу оҥорууга 32 саастаах олохтоох киһи сыһыаннааҕын быһаарбыттар. Кини буруйун билиммит уонна ахсынньы бүтүүтэ билэр дьонун кытта арыгы испитин быһаарбыт. Арыгылыы олорон, кини дьиэлээх хаһаайын баан каарталааҕын истибит. Ол кэмҥэ уорбаланааччыга онлайн-казиноҕа оонньууругар анаан харчы уорар санаа киирбит.
«Эрийиэхпин наада» диэн сылтахтанан, буруйу оҥорооччу эмсэҕэлээччиттэн суотобай төлөпүөнүн көрдөөбүт, уонна ылбытын кэннэ хоско киирэн, мессенджеринэн азартнай оонньуулары оонньообутунан барбыт. Оонньуутун салгыыр иһин, баан сыһыарыытын нөҥүө счеттартан, ол иһигэр кирэдьиит харчынан балаансатын толорбут, онтон төлөпүөнү хаһаайыныгар төнүннэрбит.
Уорбаланааччы бу ньыманан эмсэҕэлээччи счеттарыттан харчыны уоран, ставкаларга туттарга быһаарыммыт. Буруйу оҥорооччу этэринэн, атаһа ол кэмҥэ олус итирик буолан, тугу да өйдүө суоҕа дии санаабыт. Кэлин буруйу оҥорооччу эмсэҕэлээччигэ өссө иккитэ ыалдьыттыы кэлэн, араас сылтаҕынан суотабай төлөпүөнүн көрдөөн ылан, онлайн оонньууларга харчы ыытар эбит. Түмүгэр уорбаланааччы 80-ча тыһыынча солкуобайы уорбут.
Хас да хонон баран, эмсэҕэлээччи сүппүт харчытын туһунан ыйыталаспытыгар, буруйу оҥорооччу харчыны уорбутун билиммит уонна барытын төннүннэриэм диэн эрэннэрбит. Уорбаланааччыга ханна да барбат туһунан илии баттааһын көрүҥүнэн хааччахтыыр миэрэ ылылынна, чугастааҕы кэминэн буруйдуур түмүктээх холуобунай дьыала суукка ыытыллыаҕа.
Полиция сэрэтэр — смартфону билбэт дьоҥҥо биэрдэххэ, төлөпүөн уоруллуон, информационнай куттал суох буолуута кэһиллиэн, ону таһынан эһиги нүөмэргитигэр иҥэриллибит баан каартатыттан харчы уһуллуон сөп диэн Алдан оройуонун ИДьМ сулууспатын отдела суруйар.
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…
Бу күннэргэ Хаҥалас уонна Абый улуустарын дэлэгээссийэлэрэ байыаннай дьайыы зонатыгар үлэлииллэр. Донецкай Норуодунай Өрөспүүбүлүкэҕэ Саха…
Бүгүн патриотическай иитиигэ быһаччы үлэлии сылдьар дьон, кэлэктииптэр, оскуола, тэрилтэлэр үлэһиттэрэ, араас хамсааһыннар чилиэннэрэ «Патриот»…
Саха сирин экэниэмикэ үүнүүтүн кииннэрин социальнай сайдыыларын былаанын чэрчитинэн 2026 сылга 11 тэрээһини олоххо киллэриигэ…
Олунньу 5 күнүгэр Саха сирин киинэ тыйаатырдарыгар «Сахафильм» хампаанньа «Күүлэй! От кэмэ» диэн дьиэ кэргэнинэн…