«Сыыппара алмааһа» ТГ-ханаалыттан
«Сыыппара алмааһа» IV федеральнай пуорум чэрчитинэн Саха сиригэр информационнай-коммуникационнай технологиялары, сыыппара сатабылларын сайыннарыыга уонна киэҥник тарҕатыыга, ону тэҥэ үөрэхтээһин уонна идэҕэ туһаайыы эйгэтигэр атын бырайыактары олоххо киллэриигэ анаан үс өрүттээх меморандумҥа илии баттанна.
Сөбүлэһии эрэгийиэҥҥэ информационнай технологиялар уонна Оҥоһуу өй эйгэтигэр исписэлиистэри бэлэмниир быстыбат тиһиги тэрийэргэ олук уурар. Стратегияны олоххо киллэрии бастакы түһүмэҕэ 2025 сыл ахсынньытыгар саҕаланыаҕа, оттон 2026 сыл балаҕан ыйыттан өрөспүүбүлүкэҕэ «Сыыппара уонна Оҥоһуу өй — сайыннарыы тиһигэ» диэн киэҥ хабааннаах үөрэх бырайыага үлэлиэҕэ. Сбербанк өйөбүлүнэн «Алгоритмика» олоххо киллэрэр көҕүлээһинэ Саха сирин 55 оскуолатыгар 3900-тан тахса үөрэнээччини хабыаҕа. Бырагырааманы үлэлэтиигэ педагогтары бэлэмнээһин буолуоҕа — дьарыктары анал үөрэҕи ааспыт оскуола учууталлара ыытыахтара.
«Бырайыак – программирование уруоктара эрэ буолбатах. Оскуола оҕолоро билиҥҥи кэмҥэ наадалаах сатабыллары ылар, оттон учууталлар үлэҕэ аныгылыы ньымалары туһанар бүтүн үөрэх экосистиэмэтин тэрийии», – диэн Сбербанк Дьокуускайдааҕы салаатын салайааччыта Олег Бугай бэлиэтээтэ.
Меморандумҥа СӨ Үөрэҕин уонна билимин миниистирэ Ньургуна Соколова, «Сбербанк» ААУо Дьокуускайдааҕы салаатын салайааччыта Олег Бугай уонна «Алгоритмика» ХЭТ судаарыстыбаннай секторы кытта үлэҕэ департаменын салайааччыта Станислав Косарев илии баттаатылар.
Тохсунньу 25 күнүгэр Арчы дьиэтигэр өрөбүллээҕи Оһуокайбыт буолла. Бүгүҥҥү алгыстаах Оһуокай Сунтаар улууһугар ананна. Сунтаар…
600-тэн тахса киһи олорор Мытаах нэһилиэгэр “Аартык”, “Дүөдэ”, “Дьөлөккөн” түөлбэлэр бааллар. Күннэтэ олохпут уларыйар, сайдар…
Дьокуускай куорат 13 нүөмэрдээх оскуолатыгар Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын…
2025 сыллаахха олунньу саҥатыгар СӨ бырабыыталыстыбата өрөспүүбүлүкэҕэ 2030 сылга диэри туризмы сайыннарыы стратегиятын бигэргэппитэ. …
Үөһээ Бүлүү улууһун Өргүөт нэһилиэгин олохтоохторо байыаннай дьайыыга сылдьар хорсун буойуттарын өйүүллэр, кинилэр үтүө көмөлөрө…
Билии чыпчаалын баһылаабыттар ааттара билиннэ. "Кубок знатоков наслега" түмүктэннэ! Бу туһунан биһиэхэ Өспөхтөн бибилэтиэкэр Сайыына …