Оҥоһуу өй көдьүүстээх ньымаларын туһанарга үөрэннибит

Кулун тутар 27 күнүгэр Таатта улууһун Үөрэхтээһинин киинигэр Харбалаахтааҕы «Кэскил» уһуйаан иитээччилэрэ аныгы олох ирдэбилинэн «Нейросад: искусственный интеллект в дошкольном образовании» диэн сэминээри тэрийэн ыыттыбыт.

Бу саҥа сүүрээн нөҥүө, о.э. нейросеть, оҥоһуу өй көмөтүнэн иитээччи түбүктээх үлэтигэр төһүү күүс буолар ньымалары хайдах туттарбытын көрдөрдүбүт, үөрэтэн, сүбэлээн биэрдибит.
Сэминээргэ улуус уһуйааннарын иитээччилэрэ көхтөөх кыттыыны ыллылар, элбэҕи биллилэр-көрдүлэр. Маннык хардарыта уопут атастаһар сэминээрдэр элбэҕи биэрэллэр, элбэххэ үөрэтэллэр, инникигэ кынаттыыллар.

Бүгүҥҥү сэминээргэ сылдьыбыт, үөрэммит иитээччилэр саҥа сайда турар салааны таба тайанан, наадалааҕын наардаан үлэҕэ туттан, өссө элбэх үрдүк ситиһиилэниэхтэрэ диэн эрэнэбит.

Наталья НИКОНОВА