Нейросеть көмөтүнэн оҥоһуллубут хаартыска
Сайдыы балысханнык хардыылаан, Оҥоһуу өй, ол эбэтэр нууччалыы эттэххэ, “Искусственнай интеллект” диэн саҥа технология баар буолуоҕуттан, бу тула учуонайдар, тыл үөрэхтээхтэр ортолоругар элбэх ырытыһыы, кэпсэтии, мөккүөр уҕараабат. Ама, Оҥоһуу өй барыны-бары солбуйуо дуо, сорох идэлэри имири сотон ааһыа дуо?
Аҕыйах сыллааҕыта куйаар ситимигэр Google, Яндекс ситимнэргэ, сахалыыттан нууччалыы, нууччалыыттан сахалыы тылбаасчыттар баар буолбуттарыгар, биһиги, сахалыы тыллаах суруналыыстар, бэркэ диэн сэргээбиппит, баҕар, үлэбитигэр туһаныахпыт диэн үөрэ санаабыппыт. Ол гынан баран, нууччалыыттан сахалыы тылбаастатан көрбүппүт да, үгүспүт улаханнык сэҥээрбэтэҕэ. Ити кэриэтэ бэйэбит тылбаастабыппыт ордук диэн түмүккэ кэлбиппит. Олортон аҕыйах холобуру көрүҥ:
Бастакыта Google:
Салгыы бу тиэкиһи Яндекска тылбаастаттыбыт:
Көрөргүт курдук, Яндекс да, Гугл да тылбааһа мөлтөх. Бу кэриэтэ киһи бэйэтэ тылбаастаабыта ордук.
Бу күннэргэ аны куйаар ситимигэр оҥоһуу өйү кытта сахалыы кэпсэтиэххэ сөп диэн араас иһитиннэриилэр тарҕаннылар. Оҥоһуу өйбүт сахалыы эн-мин дэһэн хайдах кэпсэтэрин тургутан көрөөрү, deepseek.com диэн саайты бэрэбиэркэлээтибит.
Кэпсэттибит, Яндекска, Гуглга тылбаастаппыт тиэкиспитин тылбаастатан көрдүбүт. Дьэ, Оҥоһуу өй хайдах тылбаастаабытын ааҕааччыларбыт туох диэн сыаналаатыгыт?
Салгыы аны хоһоонно суруй диэн көрдөстүбүт. Тиэмэтэ — Кыһын. Дьэ, хайдаҕый? Иннэ-кэннэ биллибэт да соҕус буоллар, хоһооҥҥо да ылса сатыыр буолбут эбит Оҥоһуу өйдөрө.
Оҥоһуу өй сахалыы бастакы хоһоонун хайдах сыаналыыгын диэн СӨ Суруйааччыларын сойууһун чилиэнэ, суруналыыс Надежда Егорова-Намылыттан көрдөспүппүтүгэр:
— Бу хоһооҥҥо санааҕын эт диэбиккэр сааһыта суох, ыһыллаҕас хоһоон диэн тута быһаарбытым уонна ама ким маннык хоһоону суруйбутай диэн дьиксинэ санаабытым. Онтон Оҥоһуу өй диэбиккэр чахчы ытырыктаттым. Хоһоон быраабылалара олох да тутуһуллубаттар, холобур биир ахсааҥҥа этиллиэн сөптөөх тылы (тыалар) элбэх ахсааҥҥа туттубут. Кыһын кэлбит дуу, кэлбитин кэриэтэ дуу? Туох да өйдөммөт, ханнык да иэйии суох. Оҥоһуу өйү туттан, оҕолорбутугар кыраларыттан маннык «суруйар-бичийэр» хоһоону соҥнуур буоллахпытына, ырааппаппыт…
— диэн санаатын үллэһиннэ.
Сахалыы хоһоону айа-тута үөрүйэҕэ суох буоллаҕа диэммит, аны нууччалыы суруттаран көрдүбүт.
2022 сыллаахха Сбербаан GigaChat (GPT3) Оҥоһуу өйү чат-ботун оҥорон таһаарбыта. Онон мантан салгыы GigaChat кытта кэпсэтиини көрүҥ:
Түмүкпүтүгэр Оҥоһуу өй саха суруналыыстыкатын кытары күрэстэһэр кыахтаах дуо диэн “Сахамедиа” холдинг генеральнай дириэктэрин солбуйааччы, суруналыыс, политолог Чокуур Гаврильевтан ыйыппыппытыгар:
— Оҥоһуу өй саха суруналыыстыкатыгар, нууччалыы эттэххэ, конкурент буолара уустук. Оҥоһуу өй билиҥҥитэ сахалыы тыла-өһө кэмчи, саҥата-иҥэтэ сатаҕай. Сайыннаҕына арай биһиги үлэбитин чэпчэтэргэ көмөлөөһөччү быһыытынан туһаныахпытын сөп. Холобура, тиэкиһи араас омук тылыттан быһа тылбаастыырга, тугу эмит сонуну көрдүүргэ, суруйуулары кылгатарга, тупсарарга, уруһуйдары туттарга. Ол эрэн, мин санаабар, кэнэҕэс даҕаны киһи айбыт айымньыта, уруһуйа, суруналыыс бэйэтин суруга син биир сыаналанар буолуоҕа, — диэн хоруйдаата.
Сэҥээрэ Саҥа дьыллааҕы хоһоонноро. Дорообо, кыһыммыт! Тулабыт иһийдэ, Налыйда-наскыйда. Уһаата-кэҥээтэ Уоскута чуумпурда... Дьэ онтон үөһэттэн…
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…
Бэҕэһээ, ахсынньы 28 күнүгэр 22:18 чааска «Восточный космодромтан «Союз-2.1б» аракыата көппүтэ. «Союз-2.1б» көтөр кэмигэр Саха…