Оҥоһуу харыйа аҥара атыыга таҕыста

Маннык аҥар оҥоһуу харыйаны сүрүннээн  кыра кыбартыыраҕа эбэтэр устуудьуйаҕа олорор дьон атыылаһаллар.  

Харыйаны икки өттүнэн сыстар скотчунан истиэнэҕэ ыксары туттаран кэбиһэҕин. Эбэтэр  муннукка эбэтэр үөһээ — дьиэ үрдүн чугаһыгар сыһыардахха, куоска да тиийбэт, мэһэй да буолбат.

Арассыыйа маркетплейстарыгар маннык харыйа үс көрүҥэ атыыланар: 2700 солкуобайга 180 сантиметрдаах, 10 уонна 15 тыһ. солкуобайга 150 уонна 210 сантиметрдаахтар. Дьиҥнээх харыйаҕа маарыннааччылар сыаналара үрдүк.