СҮБЭҺИТ: оҥоойуттан, бырдахтан хайдах көмүскэнэбит?

Оҥоойу, бырдах элбээтэ да, хайдах көмүскэнэбит диэн толкуйга түһэбит.

Ванилин сыта киһиэхэ эрэ минньигэс. Оҥоойу, бырдах чугаһаабат сыта. Ванилины 1/2 ост. нь. сылаас уулаах ыстакааҥҥа булкуйан баран, баата диискэтин илитэн эккитин соттуоххутун сөп. Эбэтэр оҕо кириэмигэр  50-60 гр  булкуйан илдьэ сылдьан оҕону соттоххо, оҥоойу, бырдах чугаһаабат.

Аптекаларга атыыланар эфирдээх арыы сытын бырдах олох сөбүлээбэт, тумнар. Ордук гвоздика эфирдээх арыыта бырдахтан көмүскэнэргэ үчүгэй, көннөрү салпыакканы бу арыынан инчэтэн баран төбөҥ үрдүнэн ууран утуйдахха, туохха да кыһаммакка уугун хана утуйан тураҕын.

Эбэтэр көннөрү 5 г гвоздиканы 200 мл итии ууга суурайан, ыстарар (распылитель) булан, ыстарыннахха эмиэ көмөлөһөр.

Валериана төрдүн (корень) 1,5 л  ууга оргутан оҥоойу, бырдах эмэ оҥостон, ыстарынан көмүскэниэххэ сөп.

Саха ыалын халандаарыттан, 2025 с.

Маннык сүбэ эмиэ туһалаах буолуоҕа: https://sakha-sire.ru/byrdahtan-kleshhten-harystanar-nymalar/