Оонньуулар кыттыылаахтарыгар Олоҥхо ускуустубатын билиһиннэриэхтэрэ

Бэс ыйын 27-28 күннэригэр   Саха сирин  бастыҥ олоҥхоһуттара, норуот култууратын сырдатааччылар киин куорат уонна  “Азия оҕолоро” успуорт аан дойдутааҕы  VIII оонньууларын кыттыылаахтарыгар “Олоҥхо сирэ” бырагырааманы билиһиннэриэхтэрэ.

Бырагыраамаҕа  Мэҥэ Хаҥалас, Үөһээ Бүлүү, Бүлүү, Амма, Горнай, Чурапчы, Нам, Уус Алдан, Кэбээйи, Ньурба улууһуттан Олоҥхо дьиэлэрин уус-уран самодеятельноһыттан 250 кыттааччы киирэр.

Санатан эттэххэ, Олоҥхо дьиэлэрин тиһигэ 2022 сыллаахха Ил Дархан Айсен Николаев Ыйааҕынан тэриллибитэ.

Билигин өрөспүүбүлүкэҕэ 11 Олоҥхо дьиэтэ норуот эпоһын үйэтитиигэ үлэлиир. Кэнники 5 сылга Саха сиригэр култуура 45 эбийиэгэ үлэҕэ киллэрилиннэ.

«Азия оҕолоро» норуоттар икки ардыларынааҕы спортивнай оонньуулар генеральнай партнерунан 1996 сылтан «АЛРОСА» АХ буолар.