Оонньуурдары оҥорооччулар күөн күрэскэ кыттыҥ

Дойду үрдүнэн «Родная игрушка» куонкурус биллэрилиннэ.

Оонньуулар бырайыактарынан, оҥорбут оонньуурдарынан оҕолор оонньуурдарын оҥорооччулар, ааптардар (независимые),  айар кэлэктииптэр кыттыахтарын сөп. Күөн күрэс сыала-соруга — бэйэ ураты оонньуурдарын оҥорон таһаарыы.

Тэрийээччилэр бэлиэтээбиттэринэн, оонньуулар уонна оонньуурдар оҕолор дойдуларын историятын билэллэригэр көмөлөһүөхтээхтэр, Ийэ дойдуларын көмүскүүр дьон улаатан тахсыахтаахтар, кыраларыттан айар, толкуйдуур дьоҕурдарын сайыннарыахтаахтар.

Куонкуруска кыттыан баҕалаахтар үлэлэрин тиэмэтин быһаараллар.

Күөн күрэскэ кыттыахтарын баҕалаахтар сайаапкаларын 2025 с. олунньу 14 күнүгэр диэри официальнай саайтка ыыталлар: https://igrushka.znanierussia.ru.

Тэрийээччилэринэн «Знание» уопсастыба уонна «Бастакылар хамсааһыннара» оҕолор уонна ыччаттар Арассыыйатааҕы хамсааһыннара буолаллар.

Бу туһунан сиһилии: https://www.sakha.gov.ru/news/front/view/id/3477277   көрүөххүтүн сөп.

СӨ Ил Дарханын уонна Бырабыыталыстыбатын пресс-сулууспата