ОПЕК+ ньиэби экспортыыр дойдулар холбоһуктара (Арассыыйа киирсэр) Венаҕа бүгүн, алтынньы 5 күнүгэр, көрсөллөр.
2020 сыл кулун тутар ыйыттан бу бастакы сирэй көрсүһүү. Bloomberg уонна Reuters суруйалларынан, ОПЕК+ чилиэттэрэ ньиэп уопсай хостооһунун сууккаҕа 1 мөл.баррель кэриҥэ кыччатарга сүбэлэһэр былааннаахтар. Бу аан дойду экэниэмикэтэ эрдэ былааннаммытынааҕар түргэнник бытааран эрэриттэн буолуон сөп диэн сабаҕалыыллар. Сонуну тарҕатар ааҕыныстыбаларын итэҕэллээх источниктара “кыччатыы туһунан бүтэһиктээх быһаарыыны алтынньы 5 күнүгэр ыытыллар мунньах иннинэ ылыахтаахтар” диэн кэпсээбиттэр.
Кэнники кэмҥэ ньиэп сыаната биллэрдик үрдээн баран төттөрү намтаан эрэр. Бу сайын ньиэп “brent” мааркатын сыаната баррель иһин 100 дуоллартан аллараа түспүтүгэр ОПЕК+ кыттыылаахтара ньиэп хостооһунун сууккаҕа 100 тыһ. барр. кыччатарга быһаарыныы ылбыттара. Аан дойду экэниэмикэтэ хамсык охсуулаах дьайыытын кэнниттэн өрүттэр тэтимэ лаппа намтаан эрэрэ көстөр.
Манна даҕатан эттэххэ, Евросойуус дойдулара Арассыыйаны утары сааҥсыйа ахсыс пакетын сөбүлэспиттэр. Сааҥсыйа быһыытынан российскай ньиэпкэ үрдүкү сыана олохтонуохтаах (потолок цен). ОПЕК+ ньиэби аччатара бу пакет үлэлээбэтигэр тиэрдэр диэн аналитиктар суруйаллар. Саудиттары ньиэби элбэтэллэрин туһугар бу сайын АХШ бэрэсидьиэнэ бэйэтин тылыгар киллэрэ сатаабыта да сатамматаҕа.
Саудиттарын оруолларын туһунан бу матырыйаалга ааҕыҥ:
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…
Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан,…
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…
Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ, олорунан процессуальнай бэрэбиэркэлэр уонна хонтуруоллааһын ыытыллар. Бу…
Ил Дархан Айсен Николаев Арассыыйа Бэрэсидьиэнин көмөлөһөөччүтэ Николай Патрушев салайан ыыппыт (Морской коллегия) мунньаҕар кыттыыны…