Хаартыска: Н.Борисов (СИА)
Суорун Омоллоон аатынан Опера уонна балет тыйаатыра быйылгы сезонугар көрөөччүлэрин өрөмүөннэммит уонна саҥа тэриллэринэн сэбилэммит тыйаатырга ыҥырар.
Тыйаатыр дириэктэрэ Владислав Левочкин бэлиэтээн эппитинэн, ити барыта РФ бэрэсидьиэнэ Владимир Путин көҕүлээбит «Култуура» национальнай бырайыагынан олоххо киллэриллэн, 48 мөлүйүөнтэн тахса суумалаах үлэ ыытылынна.
Суруналыыстары кытары көрсүһүүгэ тыйаатыр сүрүн хормейстера Октябрина Птицына: «Олус элбэх үлэ оҥоһулунна. Хор кылааһыгар маннык олохтоох өрөмүөн аан бастакытын ыытылынна. Бэйэбит ыччаттарбыт кырааска, хомуйуу үлэтигэр үөрэ-көтө кытыннылар. Маннык улахан өрөмүөн тыйаатырбытыгар аан бастаан ыытылынна, онон устуоруйа биир түгэнинэн буолла», -– диэн махталын биллэрдэ.
Өрөмүөн чэрчитинэн сантехника, муосталар өрөмүөннэннилэр, саҥа түннүктэри, ааннары олортулар. Балет уонна хор эрчиллэр саалалара, гириимнэнэр хостор, мастарыскыайдар, оробуочай кэбиниэттэр саҥардылыннылар, баһаары сэрэтэр тэриллэр, уот уларытылыннылар уо.д.а. үлэ ыытылынна. Бырагырааманан бэриллибит харчыга уот уонна тыас-уус тэриллэрин, кириэһилэлэри, сыыппаралаах микшернай пульту, акустика систиэмэлэрин атыыстылар. Онон 1982 сылтан ыла өрөмүөннэммэтэх уораҕайга тыйаатыр үлэһиттэригэр сөптөөх усулуобуйа тэриллэн артыыстар үөрүүлэрэ улахан, саҥаттан саҥа саҕахтары арыйарга бэлэмнэр.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ уоту кытта бохсооччуларын түмтэ.…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…