Хаартыска: Денис Попов
Суорун Омоллоон аатынан Опера уонна балет тыйаатыра туруорбут “Күлүмнүүр таас” испэктээгэ 2023-24 сс. “Кыһыл көмүс мааска» Арассыыйа тыйаатырдарын национальнай бириэмийэтигэр “Бастыҥ балет испэктээгэ” диэн сүрүн уонна алта номинация испииһэгэр киллэриллибитэ.
Бу туһунан тыйаатыр айар кэлэктиибэ суруналыыстары кытары пресс-кэмпириэнсийэтэ ыам ыйын 23 күнүгэр “Сахамедиа” өрөспүүбүлүкэтээҕи кииҥҥэ буолла.
Пресс-кэмпириэнсийэ онлайн-сибээһинэн ыытыллан, кэпсэтиигэ Арассыыйа Аармыйатын Киин академическай тыйаатырын дириэктэрэ Милена Авимская, М.И.Глинка аатынан Челябинскайдааҕы Опера уонна балет судаарыстыбаннай академическай тыйаатырын дириэктэрэ Владимир Досаев, Суорун Омоллоон аатынан Опера уонна балет тыйаатырын дириэктэрэ Владислав Левочкин, тыйаатыр уус-уран салайааччыта Павел Васьковскай, тыйаатыр сүрүн балетмейстера Екатерина Тайшина, СӨ норуодунай артыыһа Сарыал Афанасьев кытыннылар.
“Кыһыл көмүс мааска” Национальнай бириэмийэни тэрийээччилэр ыҥырыыларынан ыам ыйын 28 күнүгэр Арассыыйа Аармыйатын тыйаатырыгар “Күлүмнүүр таас” (“Сияющий камень”) этно-балет көрдөрүллүөҕэ. Туруорааччы – Опера уонна балет тыйаатырын сүрүн балетмейстера, Арассыыйа үтүөлээх артыыһа, П.А.Ойуунускай аатынан Судаарыстыбаннай бириэмийэ лауреата, “Душа танца” бириэмийэ лауреата Екатерина Тайшина.
Ону сэргэ Опера уонна балет тыйаатырын бөлөҕө ыам ыйын 31 күнүгэр М.И.Глинка аатынан Челябинскайдааҕы Опера уонна балет судаарыстыбаннай академическай тыйаатырыгар “В честь Екатерины Максимовой” норуоттар икки ардыларынааҕы балет XVI бэстибээлигэр ыҥырылынна. Тыйаатыр бэстибээлгэ Екатерина Тайшина туруорбут “Геометрия движения” уонна “Күлүмнүүр таас” туруорууларын билиһиннэриэҕэ.
Кэмпириэнсийэҕэ кэпсэтии туһунан сиһилии “Саха сирэ” хаһыат аныгыскы нүөмэригэр, ыам ыйын 30 күнүгэр, билсиэххит.
Саха сиригэр биэни кыһыннары ыыр дьон баар буолбуттара, бу дьарык тэнийэн иһэрэ үөрдэр. Ол курдук,…
Саҥа дьыллааҕы бэлэхтэри "Бары бииргэ Кыайыыга!" хамыыһыйа суһал ыстаабыгар байыастарга анаан бэлэмнииллэр. Үгэс буолбут аахсыйа…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…
Бу күн Ый Охчут бэлиэтиттэн тахсан, Чубуку бэлиэтигэр киирэр. Ол аата, сарсыарда өттүгэр өссө да…
Бу күннэргэ күн-дьыл хайдаҕый? Төһө тымныйарый? Хаар түһэр дуо? Күнү-дьылы кэтээн көрөөччүлэр туох дииллэрий? Хотугулуу-илин…
«Кыһын Саха сириттэн саҕаланар» бэстибээл чэрчитинэн бэрт үгүс тэрээһин буолан ааста. Биир оннук дьон уоһуттан…