Опера уонна балет тыйаатыра  «Пушкинская карта» бириэмийэни ылла

Д.К.Сивцев — Суорун Омоллоон аатынан опера уонна балет тыйаатыра  «Пушкинская карта» бырагырааманы сайыннарыыга кылаатын иһин бириэмийэни   «Лучший региональный театр» номинацияҕа ылла.

Бу туһунан Ил Дархан Айсен Николаев телеграмҥа ханаалыгар иһитиннэрдэ.

— Бу аата эдэр ыччат  классическай  искусствоҕа тардыһыытын, биһиги тыйаатырбыт саҥа туруорууларын интэриэһиргиирин, көрөрүн бэлиэтиир.  

«Пушкинская карта» бырагыраама  «Семья» национальнай бырайыак иитинэн үлэлиир. Эдэр ыччакка култуура тэрээһиннэрин көрөллөрүгэр-истэллэригэр кыаҕы биэрэр, — диэн эбэн эттэ.