Хаартыска -- Суорун Омоллоон аатынан Опера уонна балет тыйаатыра.
Саха сирин киин куората иккистээн араас дойду талааннаах эдэр опернай ырыаһыттарын түмтэ.
Саха сирин опернай ускуустубатын сулуһа Айталина Афанасьева аатын сүгэр опернай ырыа куонкуруһугар Арассыыйаттан, Монголияттан, Кытайтан, Белоруссияттан уонна Францияттан 23 эдэр толорооччу кытынна. Айталина Адамова — Саха сириттэн П.И. Чайковскай аатынан норуоттар икки ардыларынааҕы Көмүс мэтээлинэн наҕараадаламмыт соҕотох опернай ырыаһыт.
“Быйыл күрэс “Азия оҕолоро” VIII оонньууларын култуурунай бырагырааматын чэрчитинэн ыытыллара ордук кэрэхсэбиллээх. Эһиги үүнэр көлүөнэни ускуустуба нөҥүө духуобунай сайдыыга уһуйаргытын бигэргэтэр” диэн бэлиэтээтэ Ил Дархан Айсен Николаев куонкурус кыттааччыларыгар эҕэрдэ тылыгар.
Айталина Афанасьева-Адамова аатынан II норуоттар икки ардыларынааҕы опернай ырыа куонкуруһун сүрүн бирииһэ — Гран-при Суорун Омоллоон аатынан опера уонна балет тыйаатырын солистката Екатерина Корякинаҕа тигистэ. 1-кы уонна 2-с истиэпэннээх лауреаттарынан Монголияттан Доржцеден Бат-Эрдэнэ уонна Харалгарав Мунхтувшин буоллулар. Үһүс бириис Саха сириттэн Екатерина Захароваҕа уонна Моголияттан Бор Батсайхаҥҥа тигистэ. Лауреаттарынан Кытайтан Хуанг Тидо уонна Саха сириттэн Лия Винокурова буоллулар. Анал бириистэр Суорун Омоллоон аатынан опера уонна балет тыйаатырын артыыстара Мария Шапошниковаҕа уонна Мария Михайловаҕа, Саха сирин судаарыстыбаннай филармониятын артыыһа Юлия Караченцеваҕа, Монголияттан Лхагваяв Пуревдоржка, Францияттан Франсуа Модеметка, Беларусь Өрөспүүбүлүкэтиттэн Екатерина Евстафьеваҕа тигистилэр. Олунньу 4 күнүгэр Айталина Афанасьева-Адамова киин куоракка Доҕордоһуу болуоссатыгар гала-кэнсиэргэ кыттыаҕа.
Уһук Илин бары муннуктарыттан эдэр исписэлиистэри кытта көрсүһүүгэ Владимир Путин тыа сиригэр аныгы култуура дыбарыастарын тутууга Саха сирин уопутун үрдүктүк сыаналаабыта. Судаарыстыба баһылыга Муусука үрдүкү оскуолатыгар сылдьан, тэрилтэ саҥа кампуһун тутуутун бырайыагын бигэргэппитэ уонна Арассыыйа үөрэҕириитин миниистирин кытта өрөспүүбүлүкэ «Симфония добра» музыкальнай куонкурус сайдыытын туһунан кэпсэтиэх буолбута.
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа»…