Оптуобус бырайыаһа 40 солкуобай буолуоҕа

2023 сыл тохсунньу 1 күнүттэн Дьокуускайга уопсастыбаннай оптуобуска бырайыас сыаната 33 солкуобайтан 40 солкуобайга диэри үрдүөҕэ. Ол туһунан “Союз Авто” тэрилтэ дириэктэрэ Андрей Косицкай СИА-ҕа иһитиннэрдэ.

— Тохсунньу 1 күнүттэн  бырайыас уу харчынан төлөһөргө 7 солкуобай үрдүүр, үрдээһин каартанан төлөһөргө көҕүлүүр сыаллаах. Каартанан төлөстөххө, 2 солкуобай үрдүүр, — диэн кини эттэ.

Бу иннинэ “СоюзАвто” тэрилтэ оптуобус бырайыаһын 45 солкуобайга диэри үрдэтэргэ этии киллэрбитэ. Куорат аҕа баһылыга Евгений Григорьев 45 солкуобайы олус улахан үрдээһин диэн, сөбүлэспэтэҕэ. Бу көҕүлээһин уопсастыбаннай тырааныспар систиэмэтин сайыннарар сыаллаах ыытыллар.