Оптуобус хойутаатаҕына – ыстарааптанар

Дьону таһар тырааныспар хойутаан кэллэҕинэ, таһааччылары ыстарааптыыр туһунан сокуон барылын ЛДПР дьокутааттара Госдуумаҕа киллэрдилэр.   

Өскөтө  оптуобус, троллейбус эбэтэр электробус туох да биричиинэтэ суох графигын кэһэр буоллаҕына – таһааччыга ыстараап суоһуур:

-дуоһунастаах дьоҥҥо – 3-тэн 5 тыһ. солк. диэри,

-ИП – 5-тэн 10 тыһ.солк. диэри,

Юридическай сирэйгэ 10-тан 30 тыһ.солк. диэри.

Арай суол саахалыгар хаайтаран эбэтэр айылҕа иэдээниттэн тутуллан хойутаабыт буоллаҕына ыстарааптаммат.

Дьокутааттар төһө бириэмэни хойутаатаҕына ыстарааптанарын кытта эттилэр:

Куорат тырааныспара – 15 мүнүүтэттэн уһаатаҕына;

Куорат таһынааҕы тырааныспар — 30 мүнүүтэттэн уһаатаҕына;

Куораттар икки ардыларынааҕыларга – 1 чаастан уһаатаҕына;

Дойдулар икки ардыларынааҕыларга – 4 чаастан уһаатаҕына;

Билигин уопсастыбаннай тырааныспар хойутаатаҕына  ханнык да административнай эппиэтинэс суох. Арай пассажир кэтэспит хас чааһын ахсын билиэтин 3%-нын толуйтарыан сөп. Билиэтин толору сыанатын төлөппөт. Ону таһынан тырааныспар хойутаан кэлбититтэн эбэтэр хойутаан барбытыттан сылтаан хоромньуламмыт буоллаҕына, суукка үҥсэн төлөтөр бырааптаах, диэн суруйар Коммерсантъ.