Хаартыска: Андрей Сорокин, СИА
Дьокуускай куорат дьаһалтата оптуобус суоппардарын «Доступное арендное жилье» бырагыраамаҕа киллэртэрэр туһунан этии киллэрдэ. Бу туһунан тутуу миниистирэ Виктор Романов иһитиннэрдэ.
Дьиэни чэпчэтиилээх куортамныырга көмөлөһөр бырагырааманан улуустартан, атын эрэгийиэннэртэн кэлбит дьон туһаныахтарын сөп.
— Бу бырагыраамаҕа муниципальнай тэриллиилэр ханнык эрэ дуоһунастары, категориялары бэйэлэрэ киллэриэхтэрин сөп. Бу бырагыраамаҕа өссө байыастар уонна кинилэр дьиэ кэргэттэрэ, 35-гэр диэри саастаах эдэр исписэлиистэр, устудьуоннар кытталлар. Маннык дьиэни куортамныыр чэпчэки буолар, холобур, икки хостоох кыбартыыраҕа ыйга 12-14 тыһыынча солкуобайы эрэ төлүүллэр, — диэн миниистир эттэ.
Бу бырагыраама бэрэсидьиэн Владимир Путин сорудаҕынан тэриллибитэ. Саха сиригэр «Центр развития жилищных программ Республики Саха (Якутия)» эрэгийиэннээҕи опуратор быһыытынан үлэлиир.
Айсен Николаев Анал этиитигэр 2025 сылга үс чэпчэтиилээх куортам дьиэтин тутан киллэрэр соругу туруорбута. Онон быйыл Дьокуускайга 141 кыбартыыралдаах дьиэ, Нерюнгригэ 192 кыбартыыралаах дьиэ, Алдаҥҥа 28 кыбартыыралаах дьиэ тутуллуохтара.
2024 сыл кулун тутар ыйыгар Дьокуускайга бастакы дьиэҕэ — 24 кыбартыыраҕа көһөн киирбиттэрэ. Кыбартыыра саҥа өрөмүөннээх, миэбэлинэн, тиэхиникэнэн хааччыллыбыт буолар. Федеральнай уонна өрөспүүбүлүкэтээҕи бүддьүөттэртэн субсидияланар, онон куортамнааччылар икки хостоох дьиэҕэ ыйга 12 тыһыынчаны төлүүллэр.
Саха сиргэр барыта 1003 кыбартыыра куортамнанара былааннанар.
Ил Дархан, бырабыыталыстыба пресс-сулууспата.
Норуот дьокутааттара алтынньы 27 күнүгэр Ил Түмэҥҥэ 33-с Федеральнай сокуон иитинэн бэйэбит өрөспүүбүлүкэбитигэр олохтоох бэйэни салайыныы сокуонун…
Саха сириттэн алта устудьуон Москваҕа алтынньы 30 күнүттэн сэтинньи 2 күнүгэр диэри ыытыллар инбэлииттэр уонна…
Ньурба оройуонун суута олохтоох киһини өлөрүүгэ буруйдааҕын билинэн, бириигэбэр таһаарда. Быһылаан бу сыл атырдьах ыйыгар…
Саха сиригэр -40С кыраадыска тиийэ тымныйыа. Гидрометеосулууспа иһитиннэрэринэн, алтынньы 30 күнүгэр түүн хотугулуу-илин намыһах сирдэринэн…
Ааспыт суукка устата Дьокуускайга эмсэҕэлээччитэ суох 7 суол быһылаана таҕыста. Бу туһунан киин куораттааҕы Госавтоинспекция…
Бэтэринээрийэ управлениетын дааннайынан, сыл саҕаланыаҕыттан өрөспүүбүлүкэҕэ 3164 хаһаайына суох кыыл тутулунна. Өссө 137-тэ — приюттарга…