Оптуобус тохтобулугар мобильнай төлөпүөнү уорбут уорбаланааччыны туттулар

ИДьМ 2 №-дээх полициятын дьуһуурунай чааһыгар  суотабай төлөпүөнү уорбуттарын туһунан эр киһи сайабылыанньа суруйбут.

Эр киһи быһаарыытынан, кини күнүс оптуобус сылаас тохтобулугар нуктаан олорбут. Бу кэмҥэ биллибэт киһи 112 тыһыынчаттан тахса суумалаах смартфону уорбут.

Иһитиннэрии тас сулууспаларга тиэрдиллибит. ИДьМ  постовой сулууспатын полицейскайдара итии суолунан уорбаланааччыны туттулар.   Урут сууттана сылдьыбыт 56 саастаах эр киһи буолара биллибит. Уорбаланааччы эр киһи оптуобус тохтобулугар утуйбутун көрөн, мобильнай төлөпүөнүн уорбут.

Полиция патрульнай-постовой сулууспатын оперативнай тэрээһиннэринэн мобильнай төлөпүөнү былдьаабыттар. Процессуальнай дьаһаллары ыытыы кэнниттэн сокуон хаһаайыныгар төннөрүөхтэрэ.

Холуобунай дьыала тэрилиннэ, уорбаланааччы 5 сылга диэри көҥүлэ быһыллыан сөп.