Оптуобус тохтобулун алдьаппыт дьон тутулуннулар

Бүгүн саайпытыгар Дьокуускай куоракка оптуобус тохтобулун алдьаппыттарын туһунан иһитиннэрэн турабыт.

Дьокуускай полициятын 3 нүөмэрдээх отделыгар сарсыарда 4:39 ч. Кальвица уулуссаҕа баар сылаас тохтобул түннүктэрин алдьатан эрэллэрин туһунан иһитиннэрии киирбит.

Тута полиция  патруллуур-постовой сулууспата ыйыллыбыт аадырыһынан тиийбит.  Итиэннэ   бу быһылааҥҥа буруйдаах 28 уонна  35 саастаах олохтоох эр дьону туппуттар. Суһал-ирдиир үлэ түмүгэр, быһылаан үһүс кыттыылааҕын — урут сууттана сылдьыбыт 27 саастаах Өлүөхүмэттэн төрүттээх эр киһини туппуттар.

Билигин бэрэбиэркэ ыытыллар @mumvdyakutskoe диэн иһитиннэрдэ.