Оренбург уобалаһыгар халаантан эмсэҕэлээбиттэргэ көмөлөһөллөр

Оренбург уобалаһыгар халаантан эмсэҕэлээбиттэргэ көмөнү оҥоруу салҕанар. Саха сиригэр муус устар 8-17 күннэригэр биллэриллибит аахсыйаҕа  үлэ кэлэктииптэрэ, предпринимателлэр, өрөспүүбүлүкэ олохтоохторо кытталлар.

«Саха сирин олохтоохторо түмсэннэр, кылгас кэм иһигэр гуманитарнай көмө хомуллар. Дьон-сэргэ оҕоҕо наадалааҕы, утуйар таҥаһы-сабы, о.д.а. малы-салы аҕалаллар», — диэн гуманитарнай көмөнү оҥорор пууну сүрүннээччи Ульяна Шараборина этэр.

Саха сирэ Уһук Илин Федеральнай уокурукка бастакынан Оренбург уобалаһыгар халааҥҥа эмсэҕэлээбит дьоҥҥо көмөнү оҥоруу аахсыйатын саҕалаабыта.

Оренбург уобалаһын олохтоохторугар гуманитарнай көмөнү оҥорор пуун Дьокуускай куорат Курашов уул. 24, 405 хоско баар.

Ону сэргэ, 8 (4112) 42-14-21 нүөмэргэ төлөпүөннүөххэ сөп. Үлэ күнүгэр 8:00 — 20:00 ч. диэри үлэлииллэр.

СӨ Ил Дарханын уонна Бырабыыталыстыбатын пресс-сулууспата