Хаартыска: видеоттан скрин.
Оренбург уобалаһын сааскы халаан уута ылан, олохтоохтор улахан хоромньуну көрүстүлэр. Ил Дархан Айсен Николаев бу туһунан телеграм-ханаалыгар санаатын үллэһиннэ:
— Быйыл Оренбург уобаһалаһа хаһан даҕаны буолбатах сааскы халааны аһаран эрэр. Муус устар 4 күнүттэн уобаласка федеральнай таһымнаах ыксаллаах быһыы-майгы эрэсиимэ биллэриллибитэ. Уу алдьатыылаах күүһэ инфраструктураҕа улахан хоромньуну таһаарда, тыһыынчанан киһи олорор дьиэтэ, баайа-дуола суох хаалла.
Бу улахан алдьархай буолар, Саха сирэ мантан туора туран хаалбата уонна эрэгийиэннэртэн биир бастакынан ууга барбыт дьоҥҥо гуманитарнай көмөнү хомуйууну саҕалаабыта. “Биир ньыгыл Арассыыйа” баартыйа тула түмсээччилэр сэбиэттэрин уонна Оренбург уобалаһын олохтоохторугар “ыалдьар” Саха сирин дьонун күүһүнэн аҕыйах күн иһигэр туонна аҥаарыттан ордук ыйааһыннаах бастакы кэмҥэ туһаныллар мал-сал хомулунна. Бастакы баартыйа Оренбург уобалаһыгар номнуо барбыта.
Көмөнү муус устар 17 күнүгэр диэри Дьокуускай куоракка “Биир ньыгыл Арассыыйа” баартыйаны өйүүр уопсастыбаннай ыстаапка хомуйаллар. Бэйэлэрин кылааттарын Саха сирин улуустарын олохтоохторо, өрөспүүбүлүкэ тэрилтэлэрэ киллэрсэллэр.
Оренбург уобалаһын олохтоохторугар уустук кэмҥэ илиилэрин уунан көмө буолбут Саха сирин дьонугар махталбын биллэрэбин. Бары бииргэ, түмсэн алдьархайга түбэспиттэр иэдээни этэҥҥэ аһаралларыгар эрэнэбин. Саха сирэ эһигини кытта!
“Үөрэхтээһин” национальнай бырайыак “Үөрэх сыыппараҕа эйгэтэ” федеральнай бырагыраама чэрчитинэн “Айар Уустар” креативнай индустрия кэллиэһэ күүстээх…
Саха сиригэр анал байыаннай дьайыы кыттыылаахтарыгар араас хайысхалаах өйөбүл оҥоһуллар. Дьокуускай куорат дьаһалтата 2023 сыл…
Саха сирин бастакы вице-премьера Дмитрий Садовников Баайга-дуолга уонна сир сыһыаннаһыыларыгар миниистир бастакы солбуйааччытынан анаммыт Светлана…
Саха сирин баһылыга Айсен Николаев сорудаҕынан, Инбэлииттэри кэлимник реабилитациялыыр өрөспүүбүлүкэтээҕи социальнай-чэбдигирдэр кииҥҥэ анал байыаннай дьайыы…
Дьокуускай куорат аннынан муус хойуутук устар. Дьокуускай — Аллараа Бэстээх маршрутунан Өлүөнэ өрүскэ барыта 30…
ИДьМ холуобунай ирдэбилин үлэһиттэрэ Хаҥалас улууһугар харчыны уорууга уорбаланар 52 саастаах эр киһини туттулар. Бу…