Ородьумаан: «Хоһуун дьон хомуурга»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут тохсус  кыттааччыта Өлүөхүмэттэн Ородьумаан:

Хоһуун дьон хомуурга

Илиигэр бэбиэскэ тутаҥҥын,
Бардыҥ саха буойуна.
Эн тэлгэһэҕэр тахсаҥҥын,
Көрбүтүҥ төрөөбүт алааскын,
Барар ыксаллаах түгэҥҥэ,
Эн ордук диэн сылааскын.

«Ааһыа дуо барыта этэҥҥэ?»
Ыйытардыы көрбүтүҥ эн тииттэн,
Сиккиэр тыалга лабаалар кууһаллар,
Уоскуталлар ис сүрэхтэн.
Аттыгар сэгэриҥ ытыыра,
Кыракый кыысчааҥҥын көтөҕөн.
Аҕаҥ уоту аһатан алгыыра,
Кыайыыны бадаҕа өтө көрөн.
Саалаахтан самныма,  саха уола,
Кыайыы биһиэнэ буолуоҕа!
Симэлийиэ өстөөх хара суола,
Ыра санаабыт туолуоҕа!
Күһэҥэ быстар кэмигэр
Дойдуну көмүскүүр ытык иэспит.
Күн хараарар түгэнигэр,
Бары да сэриилэһиэхпит.
Эр хоһуун этэҥҥэ эргиллиэ,
Сэрииттэн кыайыыны уһансан!
Уруй-айхал ырыата эҥсиллиэ,
Саха буойуттарыгар махтанан!