Бэҕэһээ Үөһээ Бүлүү Ороhутугар Байанай ыйыгар аналлаах, нэһилиэккэ олорон ааспыт элбэх оҕо аҕата, Аҕа дойду сэриитин ветерана, үлэ ветерана, биллиилээх булчут, социалистическай күрэх кыайыылааҕа Михаил Давыдович Иванов төрөөбүтэ 100 сылыгар аналлаах «Байанайдаах булчуттар» күрэс буолан ааста.
Күрэҕи Михаил Давыдович Иванов оҕолоро, сиэннэрэ, Ороhутааҕы сынньалаҥ киинэ, «Ороhу нэhилиэгэ» МТ дьаһалтата көҕүлээн тэрийдилэр.
Күрэххэ 4 хамаанда икки түһүмэххэ илин-кэлин түһүстэ. Ол курдук, булчуттар «Тайах буутун сүгүү» тоҥуу хаарынан сүүрүү (бэрэмэдэй сүгэhэрдээх), «Тииҥи харахха» сыал ытыыта, «Булчут кутаата» уот оттуута, муус алларан чэй өрүүтэ, «Илим түhэриитэ», «Аты көлүйээhин, сыбыдахтааhын», «Булка тэринии» саа ыhыыта-хомуйуута, «Тобуллаҕас толкуй» боппуруостарга эппиэт, «Кырынаастааhын», «Ойбонтон уулааhын» өбүгэ оонньууларыгар,
«Моҕустар күрэхтэрэ» аhас дьон күрэхтэригэр тургутугу аастылар.
Түмүккэ, 1 миэстэни олохтоох дьаһалта, кулууп үлэһиттэрин «Байанай» хамаандалара кыайыы өрөгөйүн билэн, М.Д. Иванов оҕолоро, сиэннэрэ туруорбут 100 000 солк. суумалаах «Байанай» маҕаһыынтан сэртипикээтинэн наҕараадаланнылар.
2 миэстэ — «Дьөһөгөй»,
3 миэстэ — «Мохсоҕоллор»,
4 миэстэ — «Баартаах Маппый» хамаандалара буоллулар.
Үөһээ Бүлүү улууһун дьаһалтатын пресс-сулууспата
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…