Хаартыскаҕа Мария Васильева түһэриитэ, СИА.
Ил Дархан үлэтинэн улуустарга сылдьан байыастар чугас дьоннорун кытары көрсөр.
Кини бу сырыыга Үөһээ Бүлүүгэ улууһугар Ороһуга байыас А.Васильев дьонун кытары көрсөн турар. Дьиэ кэргэн ийэтэ Сардаана Васильева — учуутал. Кини кэпсээбитинэн, уола кэргэнин, оҕотун кытта Дьокуускайга олорбуттар. Мобилизацияланан былырыын күһүн барбыт.
Айсен Николаев төрөөбүт дойдутугар бэриниилээх байыаһы иитэн таһаарбыттарыгар Айтал төрөппүттэригэр махтанна. Байыас аҕата Леонид Егорович: «Өйөбүл, көмө иһин махтанабыт. Уолбутун дьиэтигэр этэҥҥэ кэлэрин күүтэбит», — диэн эттэ.
Ил Дархан өрөспүүбүлүкэ салалтата байыастарга уонна кинилэр дьиэ кэргэттэригэр өйөбүл миэрэлэри кэҥэтиигэ үлэлэһэрин бэлиэтээтэ. Маны сэргэ, кини Үөһээ Бүлүү улууһун салалтатыгар байыас дьиэ кэргэнигэр наадалаах көмөнү оҥороллоругар соруйда.
Санатан эттэххэ, Ил Дархан Айсен Николаев ыйааҕар сөп түбэһиннэрэн уонна эрэгийиэн Бырабыыталыстыбатын уурааҕынан байыаннай дьайыы кыттыылаахтарыгар уонна кинилэр дьиэ кэргэттэригэр 19 араас хабааннаах социальнай өйөбүллэр оҥоһуллаллар.
Бу туһунан сиһилии https://www.sakha.gov.ru/news/front/view/id/3366984 киирэн билсиҥ.
СӨ Ил Дарханын уонна Бырабыыталыстыбатын пресс-сулууспата
Бүгүн - баскыһыанньа, сыл бүтэһик сынньалаҥ күнэ. Бу күн ураты истиҥ, чуумпу эйгэлээх буолан, сулустар…
Бүгүн, ахсынньы 28 күнүгэр, Саха сирин сорох улуустарыгар хаар түһэр, күүстээх тыал түһэр. Саамай дьиктитэ…
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…