Хаартыска: Оҥоһуу өй
Тохсунньу 7-8 күннэригэр Күн, Венера уонна Марс биир лииньийэҕэ кэриэтэ кэчигирэһиэхтэрэ. Маннык көстүү 250-ча сыл буолан баран — XXIII үйэҕэ хатыланыа. Бу туһунан РАН ИКИ Космос чинчийиилэрин института уонна ИСЗФ Күн астрономиятын лабораторията иһитиннэрэр.
«Тохсунньу 3 күнүнээҕи туругунан, Күҥҥэ уҥа өттүттэн чугаһыыр Венера биир кыраадыс кэриҥэ ыраахха номнуо чугаһаата. Оттон хаҥас диэкиттэн хамсыыр Марс билиҥҥитэ икки кыраадыс кэриҥэ тэйиччи турар», — диэн иһитиннэриигэ этиллэр.
Учуонайдар бэлиэтииллэринэн, планеталар Күнү кытта ситимнэһиилэрэ күнүһүн буолар, онон Сиртэн кэтээн көрдөххө, халлаан эттиктэрэ күн сардаҥатыгар сууланан көстүбэт буолуохтара, онон сэдэх көстүүнү космостан эрэ көрөр кыах баар.
Буолуохтаах көстүү ураты дьикти суолтаны Ороһуоспаны кытта сөп түбэһиитэ биэрэр, маннык түбэлтэ 20-чэ тыһыынча сылга биирдэ эрэ буолуон сөп.
«Ол аата маннык көстүү Ороһуоспаны кытта сөп түбэһиитэ эһиэхэ эбии атын романтическай эбэтэр кистэлэҥнээх суолтаны биэрэр буоллаҕына, онно чуолкай математическай төрүөт баар. Маннык көстүү ити бырааһынньык устуоруйатыгар бастакытын буолар уонна халандаарынан эрэ көрдөххө, арааһа, киһи аймах цивилизациятын устуоруйатыгар аан бастакытын буолуо», — диэн күн астрономиятын лабораторията иһитиннэрэр.
Учуонайдар чахчыларынан, Марс уонна Венера Күнү кытта биир кыраадыстан чугастык ситимнэһиилэрэ бүтэһик 500 сыл иһигэр үстэ эрэ буолбут: 1669 сыл от ыйыгар, 1682 сыл муус устар ыйыгар уонна 1968 сыл бэс ыйыгар.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…