Орой

Орой — киһи саамай үрдүк сирэ. Айыы үөрэҕинэн, орой итэҕэл киэлитэ буолар.

Манна ытык эт баар. Айыы ситимэ киһиэхэ оройунан суолланар. Кэлэр сүр, араас санаа, алгыс манан киирэллэр. Киһи тула туох буола турарын, саҥа билиини, туох эрэ сонуну оройугар түһэрдэҕинэ эрэ өйдүүр, ол аата бэйэтин өйүгэр-санаатыгар, этигэр-сиинигэр иҥэринэр кыахтанар. Оччоҕо бу ылбытын бэйэтин олоҕор туһаныан сөп.

Оройго түһэриини өссө «долоҕойдотуу» дииллэрэ. Киһи тугу кыайан долоҕойдоппотоҕо кини таһынан ааһан хаалар. Онтон Ытык этэ арылыннаҕына, киһи Аан Дойдуну Айыы ситимин курдук көрөр. Онон олох араас көстүүлэрин дириҥник билэр, көрбүөччү буолар кыахтанар. Киһи билиитин толорута оройо төһө арыллыбытынан быһаарыллар.

Л.А.Федорова — Саҕаана «Саха ситэҕэлин кылгас өйдөбүллэрэ» кинигэтиттэн,

«Бичик» («Айар») , 2010 с.

Маны сэргэ, орой, дьулай харысхалларын туһунан манна ааҕыаххытын, видеоҕа көрүөххүтүн сөп: https://edersaas.ru/sedeh-eksponattar-video/