Хаартыска: СӨ Борокуратууратын пресс-сулууспата
Нерюнгри куорат борокуратуурата Нерюнгри киин оройуоннааҕы балыыһатын урукку кылаабынай бухгалтерын утары судаарыстыбаннай буруйдааһыны өйөөтө. Бу туһунан СӨ борокуратууратын пресс-сулууспата иһитиннэрэр.
Сууттанааччы РФ Холуобунай кодексатын 160 ыст. 3 ч. (үбү сиэһин), РФ Холуобунай кодексын 159 ыст. 4 ч. (түөкүннээһин), РФ ХК 327 ыст. 5 ч. (служебнай подделка) буруйдааҕынан ааҕылынна.
Борокуратуура силиэстийэлээбит матырыйаалларыгар олоҕуран холуобунай дьыала тэрилиннэ.
Суут кэмигэр сууттанааччы уоппускаҕа барабыт диэн бэйэтигэр уонна дьиэ кэргэнин чилиэннэригэр билиэт атыылаһыллыбытын туһунан сымыйа докумуоннары оҥорон, киниэхэ туттарыллыбыт 170-тан тахса тыһыынча солкуобайы бараабыта быһаарылынна.
Маны таһынан, дуоһунаһынан туһанан, тэрилтэҕэ таһаҕаһы тиэйии туһунан сымыйа докумуоннары көрдөрөн, 2,5 мөлүйүөн кэриҥэ солкуобайы сойбоппут.
Холуобунай дьыаланы көрүү түмүгүнэн, судаарыстыбаннай буруйдааччы позициятын учуоттаан, Нерюнгритааҕы куорат суута сууттанааччыны 3 сыллаах холоон көрөр болдьохтоох 5 сылга усулуобунайдаах көҥүлүн быһарга уонна 140 тыһ. солк. ыстараабы төлүүрүгэр бириигэбэрдээтэ.
Ону тэҥэ сууттанааччы төлөөбүт хоромньутун учуоттаан, борокуруор гражданскай ирдэбилин суут толордо.
Билиҥҥи туругунан бириигэбэр сокуоннай күүһүгэр киирэ илик, онон ааһыныахха сөп.
“Айар “ национальнай кыһа “Выдающиеся люди республики “ сиэрийэтинэн бу күннэргэ төрөөбүтэ 100 сыла бэлиэтэнэр…
Байыаннай дьайыы бааһырбыт кыттыылааҕын көрөргө-харайарга төрөппүтүгэр уонна кэргэнигэр эбии төлөммөт уоппуска бэриллэр. Госдума бу сокуону…
Дьокуускай куоракка Бүтүн Арассыыйатааҕы “Сыл дириэктэрэ” идэ күрэһин өрөспүүбүлүкэтээҕи түһүмэҕэ ыытылла турар. Тэрийээччилэр иһитиннэрэллэринэн, идэ…
Бу күннэргэ ыһаарыламмыт собо "Саха сирэ" хаһыат үрдүгэр уруһуйдаммыта социальнай ситимнэринэн тарҕана турар. Мин эмиэ,…
Саха сирин баһылыга Айсен Николаев А.С.Пушкин аатынан Нуучча драматическай судаарыстыбаннай академическай тыйаатырын дириэктэрэ Александр Лобановы…
Аллайыаха улууһун Чокуурдаах бөһүөлэгэр ыт ииримтийэн ыалдьыбыта бэлиэтэммит. Бу кутталлаах ыарыыны бэйдиэ сылдьар ыттан булбуттар…