Хаартыска: Саргын Скрябин, СИА.
Бырабыыталыстыба бэрэссэдээтэлин бастакы солбуйааччы Дьулустаан Борисов бэрэссэдээтэллээх бырайыактыыр офис мунньаҕар инвестиционнай килиимэт туругун үөскэтиигэ саҥа ньымалар биллэриллибиттэрэ.
Бу иннинэ Ил Дархана Айсен Николаев инвест-килиимэти үөскэтиигэ биэдэмистибэлэр икки ардыларынааҕы бииргэ үлэлээһиҥҥэ болҕомтотун уурбута. Кини сыаналыырынан, муниципальнай оройуоннарга, куорат уокуруктарыгар биисинэһи кытта көрсүһүүлэри ыытарга тиһиктээх үлэ ыытыллыбат, диэн иһитиннэрэр Ил Дархан, бырабыыталыстыба пресс-сулууспата.
2025 сылга Национальнай эриэйтини ааҕыы методикатыгар 8 хайысха киириэҕэ: «Хамсаабат баай-дуол», «Инженернэй ситимнэр уонна коммуникациялар», «Биисинэһи көмүскээһин», «Биисинэһи өйүүр миэрэлэр», «Экспортнай үлэ», «Инфраструктура уонна сибээс», « Кадрдар уонна үлэ ресурсалара”, «Ырыынак сайдыыта уонна күрэстэһии», 83 эриэйтиннээх уонна 19 эриэйтини таһынан көрдөрүүлэр.
Эриэйтин саҥа структуратыгар көрдөрүүлэри сиһилии биэрии кэҥиэҕэ, биисинэс, экспорт үлэтин, күрэстэһиини сайыннарыы, каадыр уонна үлэ ресурсатын өйөөһүн уонна көмүскээһин төһө көдьүүстээхтэрин сыаналыыр туспа хайысхалар баар буолуохтара, ону тэҥэ инженернэй ситимҥэ холбонуу, онно көҥүл биэрэр докумуоннары биэрии төһө көдьүүстээхтэрин сыаналааһын кэҥиэҕэ, диэтэ экэниэмикэ миниистирин солбуйааччы.
Бырайыактыыр офис мунньаҕар таарыччы Хаҥалас улууһугар баар туристическай эбийиэктэри инфраструктуранан хааччыйыы боппуруоһун көрдүлэр.
“Хас биирдии урбаанньыт туризм салаатыгар дьыалатын сайыннарарыгар бастаан тустаах эбийиэктэри инженернэй ситимнэргэ холбуур наадатын көрсөр. «Инфраструктура, ордук туризм эбийиэктэригэр тиийэргэ киһилии суол суоҕа биисинэс сайдыытын бытаардар уонна уустугурдар», — диэн бэлиэтээтэ Саха сирин туристическай индустриятын ассоциациятын бэрэстэбиитэлэ Александр Ариносов.
Бу кыһалҕаны быһаарарга, 2025 сыллааҕы туристическай сезоҥҥа бэлэм буолар курдук туризм эбийиэктэригэр тиийэр суоллар испииһэктэрин, ону тэҥэ инженернэй ситимнэр тардыллыахтаах эбийиэктэрин испииһэгин оҥорорго эттилэр.
Бырабыыталыстыба бэрэссэдээтэлин бастакы солбуйааччы Дьулустаан Борисов этиилэри өйөөн, СӨ Урбааҥҥа министиэристибэтигэр уонна Инвестицияны киллэрэр ааҕыныстыбаҕа туристическай өттүнэн улахан кыахтаах улуустарга туризм салаатын сайыннарар усулуобуйаны тэрийэллэригэр сөптөөх кыаҕы-күүһү булалларын сорудахтаата.
“Бырабыыталыстыба уонна биисинэс икки ардыларыгар көдьүүстээх кэпсэтии билигин, сүрүн ыстаапка үрдээн турар кэмигэр, ордук дьоҕус урбаан тас эйгэ уларыйыыларыгар ылларымтыа буолар. Хаҥалас улууһун туризмын эрэ буолбакка, дьоҕус урбаан кыһалҕаларын быһаарар мэхэньиисими булан, Бырайыактыыр офис кэлэр мунньаҕар дьүүллэһэр курдук быһаччы ньымалары бэлэмнээҥ”, — диэн түмүктээтэ Дьулустаан Борисов.
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…