Хаартыска: Мария Васильева.
Орто анал үөрэҕи кэҥэтии эспэримиэнэ Арассыыйа аҕыс эрэгийиэнигэр салҕаныаҕа. Туһааннаах сокуон барылын Судаарыстыбаннай Дуума көрүүтүгэр киллэрбиттэр. Ити туһунан Үөрэҕирии министиэристибэтин саайтыгар суруйаллар.
“Ылыныллыбыт быһаарыы орто анал үөрэҕи ситимнээхтик сайыннарарга улахан суолталаах. Эспэримиэнэ көдьүүстээҕин көрдөрдө, ситиһиилээхтик саҕаламмыт үс эрэгийиэҥҥэ абитуриеннар орто үөрэҕи сэҥээрэллэрэ көһүннэ. Бу, үтүө түмүк быраактыкатын киэҥник тарҕатыахха сөбүн туоһулуур, үс эрдэтээҥҥи эрэгийиэҥҥэ өссө биэс эрэгийиэн эбиллиэҕэ” – диэн дойду үөрэҕириитин миниистирэ Сергей Кравцов бэлиэтиир.
Эспэримиэн туһунан сокуон быйыл муус устарга ылыныллыбыта. Бу орто анал үөрэх тэрилтэлэригэр киириини судургутутар. 9-с кылааһы бүтэрээччилэр үгэскэ кубулуйбут түөрт эксээмэн оннугар, икки булгуччулаах биридимиэттэри (нуучча тыла, математика) эрэ туттараллар.
Быйыл эспэримиэҥҥэ Санкт-Петербург, Москва, Липецкай уобалас кыттыбыттара. 180,6 тыһ. 9-с кылааһы бүтэрэр оҕоттон 26,1% (47,3 тыһ. киһи) эксээмэн туттарарга булгуччулаах биридимиэттэри эрэ талбыттар. Былырыын 2024 сыллаахха Москваҕа 9-с кылааһы бүтэрээччи 25%, быйыл 45% орто анал үөрэҕи талбыт, Санкт-Петербурга ити көрдөрүү – 38 уонна 43%, Липецкэй уобаласка – 62 уонна 63% тэҥнэспит.
Татарстан Өрөспүүбүлүкэтин, Москва, Ростов, Тверь, Тюмень уобаластарын киллэрэн туран, тустаах эспэримиэн болдьоҕун уһатарга этии киллэрэллэр. Бу туһунан РФ Үөрэҕириитин министиэристибэтин пресс-сулууспата сырдатар.
"Айар" национальнай кинигэ кыһата сыл литературнай түмүктэрин ("Сыл бастыҥнара") билиһиннэрэр, эҕэрдэлиир долгутуулаах уонна үөрүүлээх тэрээһинэ…
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…