Орто анал үөрэх дьупулуомугар куйаар код баар буолуоҕа

2023 сыл кулун тутар 1 күнүттэн Арассыыйаҕа орто анал үөрэх дьупулуомугар анал куйаар кодтары киллэрэн эрэллэр. Куйаар кодка устудьуон теоретическай билиитин уонна быраактыкаҕа сатабылын туһунан информацияны угуохтара.

Маннык саҥаны киллэрии үлэ биэрээччи кэллиэһи бүтэрбит дьон туһунан сыаналыырыгар көмөлөһүө диэн ыйаллар. Итини таһынан, дьупулуом сыһыарыытыгар үөрэҕи бүтэрээччи сыанатын кытта быраактыканы ааспыт миэстэтин туһунан сибидиэнньэ, устудьуон иҥэриммит дьарыгын уонна тэрилин көрүҥэ, программнай хааччыллыыта уонна технологията  баар буолуоҕа. Туспа табылыыссаҕа “Профессионалитет” федеральнай бырайыагынан бэлэмнэниитэ киириэҕэ.