РФ бэрэсидьиэнэ Владимир Путин ыйааҕынан, алтынньы 2 күнэ Арассыыйаҕа Орто анал үөрэх күнүнэн биллэриллибитэ. Дьокуускайга «Сэргэлээх уоттара” култуура киинигэр үөрүүлээх быһыыга-майгыга бу күҥҥэ анаммыт тэрээһин буолан ааста.
Тэрээһиҥҥэ СӨ бырабыыталыстыбатын бэрэссэдээтэлин солбуйааччы Сергей Местников сырытта. Кини эрэгийиэн өттүттэн орто анал үөрэх кыһаларыгар улахан болҕомто уурулларын эттэ. Бүгүҥҥү күҥҥэ Саха сирин үрдүнэн 42 орто анал үөрэх кыһата баарын, онно 25 тыһыынча киһи үөрэнэрин бэлиэтээтэ. “Үөрэҕирии” национальнай бырайыак чэрчитинэн, үөрэх кыһаларын материальнай-техническэй баазаларын саҥардыы үлэтэ ыытылларын, быйыл Саха сирэ 200 мөлүйүөн суумалаах федеральнай граҥҥа тиксибитин иһитиннэрдэ.
Маны сэргэ бэйэтин эҕэрдэтин видео-сибээс нөҥүө РФ үөрэҕин миниистирэ Сергей Кравцов ыытта. СӨ үөрэҕин уонна наукатын миниистирэ Ирина Любимова орто анал үөрэх ситимэ кэлиҥҥи кэмҥэ үрдүк таһымҥа тахсыбытын бэлиэтээтэ. Сыл ахсын алталыы тыһыынча эдэр исписэлиистэр үүнэн тахсалларын эттэ. Ааспыт сыл түмүгүнэн, орто анал үөрэҕи бүтэрэн үлэҕэ киирбит ыччат ахсаана 42% тэҥнэспит. Балартан улахан аҥаардара бырамыысыланнас эйгэтигэр үлэ булбуттар.
Үөрүүлээх тэрээһиҥҥэ орто анал үөрэх кыһатын үлэһиттэригэр, бэтэрээннэригэр судаарыстыбаннай наҕараадалары туттардылар.
Хаартыска https://irposakha14.ru/
Бэҕэһээ, сэтинньи 21 күнүгэр, Өксөкүлээх Өлөксөй аатынан Норуоттар доҕордоһууларын дьиэтигэр СӨ үтүөлээх артыыстара Мария уонна…
— Өрөспүүбүлүкэтээҕи оҕолору реабилитациялыыр киин сылын аайы цииркэҕэ инбэлииттэр дэкээдэлэригэр аналлаах наһаа үчүгэй тэрээһин ыытааччы. Араас…
Киһини аһыммат буолуу, кырыктаах сыһыан киһиэхэ кыра сааһыттан бэриллэрин учуонайдар, социологтар бэлиэтииллэр. Эрдэҕэс сааска оҕо…
Сэтинньи 20 күнүгэр СӨ Национальнай бибилэтиэкэтин устуоруйаҕа саалатыгар Дмитрий Николаевич Пономарев-Дьолуолаах ааспыт үйэни тилиннэрэр «Ньырбакаан»…
Бу күннэргэ Кэбээйигэ «Муҥха олоҥхото-2025» ыччат олоҥхоһуттар өрөспүүбүлүкэтээҕи бэстибээллэрэ үрдүк таһымнаахтык буолан ааста. Тэрээһиҥҥэ 10…
Мэҥэ Хаҥалас улууһун Нөөрүктээйи, 3-с Мэлдьэхси нэһилиэктэригэр саҥа аныгылыы тииптээх хотоннор тутуллан үлэҕэ киллэрилиннилэр. Саҥа…