Хаартыска: irposakha14.ru
Саха сиригэр номнуо X төгүлүн “Орто анал үөрэххэ Мисс уонна Мистер” күрэс ыытыллар. Сыллата таһыма үрдээн, далааһына кэҥээн иһэр. Быйылгы үбүлүөйдээх күрэскэ барыта 33 устудьуон кытынна.
Быйылгы тэрээһин орто анал үөрэх үөрэх систиэмэтэ төрүттэммитэ 85 сылыгар ананна. Тэрийээччилэр иһитиннэрэллэринэн, өй, кэрэ сэбэрэ, айар дьоҕур күрэһигэр өрөспүүбүлүкэ 20 орто үөрэҕин кыһатыттан барыта 33 устудьуон кыттыбыт.
Күрэс түмүгүн Орто анал үөрэх күнүгэр сөп түбэһиннэрэн таһаардылар. Кыайыылаах кимнээх буолбуттарын истээри, сүүһүнэн киһи мустубут саалата биирдэ иһийэ түһэр. Дьэ, бу кэнниттэн “Дрим” моделлар уонна айар устуудьуйа салайааччыта, дефиле, туттуу-хаптыы преподавателэ Валентина Безрукова сыанаҕа тахсан биир-биир кыайыылаахтары ааттаталыыр. Тута саалаҕа олорор устудьуоннар ытыс таһынан, ньиргийэн, эҕэрдэлээн баалларын биллэрэ түһэллэр.
Ол курдук, “Орто анал үөрэххэ Мисс уонна Мистер” үбүлүөйдээх күрэскэ II вице-Мисс бочуоттаах аат Уус Алдан тиэхиньикумун устудьуона Ольга Дьячковскаяҕа, II вице-Мистер аат Ю.А.Готовцев аатынан Дьокуускайдааҕы өҥө технологическай тиэхиньикумун устудьуона Николай Мальцевка иҥэрилиннэ.
Аксения, Наталья Посельскаялар ааттарынан Дьокуускайдааҕы балетнай оскуола (кэллиэс) устудьуона Роза Иванова I вице-Мисс, Т.Г.Десяткин аатынан Дьокуускайдаҕы бырамыысыланнай тиэхиньикум устудьуона Александр Мохначескай I вице-Мистер аатын сүктүлэр.
Быйылгы Мисс-2025 үрдүк ааты Жатай тиэхиньикумун устудьуона Ванеса Максимова, Мистер-2025 ааты Дьокуускайдааҕы тыа хаһаайыстыбатын тиэхиньикумун устудьуона Симон Рязанскай ыллылар. Кыайыылаахтарга эҕэрдэ!
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…