Орто анал үөрэх тэрилтэлэригэр 178 байыас киирдэ

Саха сиригэр орто анал үөрэх тэрилтэлэригэр анал байыаннай дьайыы кыттыылаахтара уонна кинилэр дьиэ кэргэттэрин чилиэннэрэ — 178 киһи киирдэ. Бу туһунан үөрэх, наука миниистирин солбуйааччы Михаил Присяжнай брифиҥҥэ иһитиннэрдэ.

— Орто анал үөрэх бырагырааматынан үөрэнэргэ 27 тыһыынчаттан тахса сайабылыанньа киирбитэ. 4 тыһыынчаттан тахса киһи үөрэххэ киирдэ, кинилэр истэригэр анал байыаннай дьайыы кыттыылаахтара уонна кинилэр дьиэ кэргэттэрин чилиэннэрэ — 178 киһи баар, — диэн кини эттэ.

Орто анал үөрэх тэрилтэлэригэр анал байыаннай дьайыы кыттыылаахтарын оҕолорун орто оскуолаҕа хайдах үөрэммиттэриттэн тутулуга суох, бастакы уочарат ылаллар.

Миниистири солбуйааччы этэринэн, 350 устудьуоҥҥа 6212 солкуобайдаах анал истипиэндьийэ ананна.

Санатар буоллахха, туспа квотанан РФ Дьоруойдара, «Хорсунун иһин» үс уордьанынан наҕараадаламмыттар, байыаннай сулууспалаахтар, анал байыаннай дьайыы кыттыылаахтара уонна кинилэр оҕолоро, уо.д.а. үөрэххэ киирэр кыахтаахтар.

Ил Дархан, бырабыыталыстыба пресс-сулууспата.