2027 сыл түмүктэниэр диэри өрөспүүбүлүкэҕэ орто профессиональнай үөрэх тэрилтэлэрин 25 эбийиэгин саҥардыахтара.
Ол туһунан Саха сирин Ил Дархана Айсен Николаев өрөспүүбүлүкэ учууталларын уонна педагогическай уопсастыбаннаһын XIV сийиэһин пленарнай мунньаҕар иһитиннэрдэ.
«Техникумнар уонна кэллиэстэр үгүстэрэ ааспыт үйэ 70-80 сылларыгар тутуллубут дьиэлэргэ үлэлии олороллор. Маннык балаһыанньаны төрдүттэн уонна тэтимнээхтик уларытыахха наада. Онуоха биһиэхэ кыах да, үөрүйэх да баар. 2018 сылтан 41 оскуола уонна 66 оҕо уһуйаана үлэҕэ киллэриллибитэ. Сыл бүтүөр диэри 13 оскуола уонна 6 оҕо уһуйаана тутуллуоҕа. 38 оскуолаҕа олохтоох өрөмүөн түмүктэннэ. Билигин итинник тэтим профессиональнай үөрэхтээһиҥҥэ баар буолуохтаах”, — диэтэ Айсен Николаев.
Ил Дархан өрөспүүбүлүкэ бырабыыталыстыбатыгар орто профессиональнай үөрэхтээһин эбийиэктэрин олохтоохтук өрөмүөннүүргэ уонна сэбилээһиҥҥэ биэс сыллаах бырагырааманы оҥорорго сорудахтаата.
Айсен Николаев эппитинэн, өрөспүүбүлүкэ уонна дойду үөрэҕин тиһигэ бэлэмниир идэлээх дьонун үлэҕэ хаачыстыбаларыттан быһаччы тутулуктаах. «Профессионалитет» федеральнай бырайыак чэрчитинэн Дьокуускай куоракка тыа хаһаайыстыбатыгар каадырдары бэлэмнииргэ үөрэх-производство киинэ аһыллар. Эһиил Нерюнгрига хайа-байытар салааҕа Киин тэриллиэҕэ. Кэнники үс сылга өрөспүүбүлүкэҕэ профессиональнай үөрэхтээһин 55 мастарыскыайа аһылынна, 2024 сылга диэри өссө 30 мастарыскыай аһыллара былааннанар.
(СӨ Ил Дарханын уонна бырабыыталыстыбатын пресс-сулууспатын матырыйаалларынан)
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Атамайга элбэх хайысхалаах кииҥҥэ сэргэх тэрээһин буолла. Тэрээһин бастакы чааһыгар Атамай нэһилиэгин түөлбэлэригэр бастыҥнары чиэстиир…
С. К. Макаров аатынан Чурапчы гимназиятын саха тылын, литэрэтиирэтин учуутала, СӨ үөрэҕин туйгуна, Бүтүн Арассыыйатааҕы төрөөбүт тыл,…
2025 сылга Билии күнүгэр Дьокуускай куоракка СӨ бастакы Бэрэсидьиэнэ М. Е. Николаев аатын сүгэр 40‑с нүөмэрдээх, өрөспүүбүлүкэҕэ өссө…
Бу күннэргэ күн-дьыл хайдаҕый? Күнү-дьылы кэтээн көрөөччүлэр иһитиннэрбиттэринэн, Саха сирин соҕуруу, арҕаа, соҕуруулуу-арҕаа өттүгэр, Халыма-Индигиир улуустарыгар…
Тохсунньу 4 күнүгэр алгыстаах Оһуокайбыт Арктика улууһун үлэһит дьонугар - анаабырдарга ананна. Саамай уһук, тымныы…