«Орто Дойду» овцебыга Новосибирскайга көстө

«Орто Дойду» өрөспүүбүлүкэтээҕи зоопаркаҕа бу саас төрөөбүт овцебык оҕотун Новосибирскай зоопаркатыгар ыыттылар.

Саха сирин туундаратыгар 1996 сылтан овцебыктары ыытан саҕалаабыттара. Булуҥ, Анаабыр, Аллайыаха уонна Аллараа Халыма улуустарыгар 190 овцебыгы ыыппытара. Кинилэр ахсааннара сыллата улаатан иһэр. 2021 сыллаах дааннайдарынан, ахсаана 4 тыһыынчаттан тахсыбыт. Мантан хас даҕаны кыылы «Орто Дойду» зоопаркаҕа туталлар.