Галина Мозолевская хаартыската.
«Орто дойду» зоопарка сылдьааччыларыгар саҥа төрөөбүт үрүҥ эһэ игирэ оҕолорун кулун тутар бүтүүтэ көрдөрөр былааннаахтарын иһитиннэрдилэр.
Зоопарка научнай-сырдатар отделын сэбиэдиссэйэ Наталья Сафонова: «Эһэчээннэр чопчу хаһан төрөөбүттэрин билбэппит. Арҕах иһинээҕи камера муннукка баар, ол көмөтүнэн бу күннэргэ эһэчээннэр баар буолбуттарын көрбүппүт. Колымана бу иннинээҕи оҕолорун — Хаарчааналаах Алмааһы кулун тутар бүтүүтэ арҕахтан вольерга таһаарбыта. Онон, бу да сырыыга эмиэ быһа холоон кулун тутар бүтүүтэ көрдөрөрө буолуо дии саныыбыт. Ол таҕыстахтарына оҕолор кыыс дуу, уол дуу буолалларын билиэхпит»,— диир.
Арҕахха билигин ким да чугаһаабат. Зоопарка үлэһиттэрэ камера нөҥүө Колымана уонна эһэчээннэр доруобуйаларын туругун кэтииллэр. Оттон аҕалара Ломоносов туспа вольерга баар.
Инникитин эһэчээннэри дойду атын зоопаркаларыгар тиэрдэр былааннаахтар. Ол иннинэ өрөспүүбүлүкэҕэ куонкурус биллэрэн ааттарын иҥэриэхтэрэ.
«Биһиги Ленинградтааҕы зоопарканы кытта дуогабардаахпыт. Үрүҥ эһэчээннэрбит ханна олорор буолалларын кэлин быһаарыахпыт», — диэн Наталья Сафонова СИА-ҕа эбэн этэр.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…