Хаартыска: Орто Халыма улууһун баһылыга Иван Лаптев
Балаҕан ыйын 6 күнүгэр Орто Халыма куорат спиннининэн балыктааһыҥҥа бэһис аһаҕас чөмпүйэнээтэ Каменка үрэххэ үрдүк таһымнаахтык буолан ааста. Быйыл бастыҥ спиннингист-балыксыт аатын иһин 48 киһи күөн көрүстэ.
Бу күн күн-дьыл туран биэрдэ — чаҕылхай күн уота уонна +15 кыраадыс кэриҥэ сылаас күн. Икки чаастаах тыҥааһыннаах киирсии кэнниттэн дьүүллүүр сүбэ түмүгү таһааран, сыл саамай ситиһиилээх уонна бастыҥ балыксыттарын быһаарда. Күрэх быраабылатынан, кыттааччылар хас да анал аакка кииристилэр: «Саамай бөдөҥ балык» уонна «Саамай элбэх балык».
Күрэхтэһии түмүгүнэн балык уопсай ахсаанынан Борис Коркин бастакы миэстэни ылла. Кини бу көрүҥҥэ үһүс сылын субуруччу кыайан, «Учур» маҕаһыынтан 20 тыһыынча солкуобай суумалаах сэртипикээтинэн наҕараадаланна. Иккис миэстэни Татьяна Котельникова, оттон үһүс миэстэни Григорий Щерба ыллылар.
«Саамай бөдөҥ балык» анал аакка 7 кг 440 г ыйааһыннаах сордоҥу туппут Евгения Лаптева чөмпүйэнээт муҥутуур кыайыылааҕынан буолла. Иккис миэстэҕэ – Дмитрий Мышакин, үһүскэ – Петр Николаев таҕыстылар.
Анал ааттарга «Саамай эдэр балыксыт» ааты Кэскил Слепцов ылан, 10 тыһыынча солкуобай суумалаах сэртипикээти тутта. «Саамай уопуттаах балыксыт» аатынан Валентин Егорович Винокуров наҕараадаланна, киниэхэ эмиэ 10 тыһыынча солкуобай суумалаах сэртипикээт бэрилиннэ. Оттон бары кыттааччылар истэригэр түбэспиччэ чыыһыла генераторынан 2023 сыллааҕы чөмпүйүөн, 12 кг кэриҥэ ыйааһыннаах бөдөҥ сордоҥу туппут Сардаана Оконешникова кыайыылааҕынан тахсан, 10 тыһыынча солкуобай суумалаах сэртипикээти тутта.
«Саамай ураты булт» иһин «Токио» суши-баар олохтообут 2500 солкуобай бирииһин 1,5 кг ыйааһыннаах сэдэх майаҕаһы туппут Станислав Оконешников ылла.
«Бырааһынньык чаҕылхай уонна өйдөнөн хаалар гына ааста. Тэрээһин организатордара – Орто Халыма куорат дьаһалтата сыл аайы күрэххэ интэриэс үрдээн иһэрин бэлиэтээтилэр уонна бу үтүө үгэс салҕанан, сайдан, биһиги улууспут туристическай кыаҕар туһаны аҕалыа диэн эрэнэллэрин биллэрдилэр. Бары тэрийээччилэргэ уонна кыттааччыларга балыксыттыыры таптааччылар хамсааһыннарын сайыннарарга уонна Халымабыт ураты айылҕатын харыстыырга кылааттарын иһин махтанабыт. Аныгыскы күрэххэ көрсүөххэ диэри!» — диэн Орто Халыма улууһун баһылыга Иван Лаптев бэйэтин ТГ-ханаалыгар иһитиннэрэр.
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…